11:38, 22 - قاراشا 2018 | GMT +5
الەمدەگى ەڭ بويى ۇزىن قىز انىقتالدى
استانا. قازاقپارات - الەمدەگى ەڭ بويى ۇزىن قىز قىتايدا ءومىر سۇرەدى. چجان تسزىيۋي ەسىمدى 11 جاستاعى جەتكىنشەكتىڭ بويى بۇگىندە 208 سانتيمەترگە جەتكەن دەپ جازادى lenta.ru سايتىنا سىلتەمە جاساعان NUR. KZ.
التىنشى سىنىپتا وقيتىن چجان تسزىيۋي بولاشاقتا باسكەتبولشى بولۋدى ارماندايدى.
جاس ءوسپىرىم قىزدىڭ اتا-اناسىنىڭ بويى دا 180 سانتيمەتر شاماسىندا بولعاندىقتان، ولار قىزدارىنىڭ قاتارلاستارىنان ۇزىن ەكەنىنە تاڭعالماعان.
چجان تسزىيۋيدىڭ بويى التى جاسىندا 160 سانتيمەتر بولعان.
سالىستىرمالى تۇردە ايتا كەتەيىك، قىتايدا التىنشى سىنىپ وقۋشىلارىنىڭ بويى 137 سانتيمەتر شاماسىندا.
قازىرگى ۋاقىتتا چجان تسزىيۋي گيننەستىڭ رەكوردتار كىتابىنا ەنبەگەن. كىتاپتا الەم بويىنشا ەڭ ۇزىن قىز رەتىندە ساۋتگەمپتون قالاسىنىڭ 12 جاستاعى تۇرعىنى سوفي حوللينس تىركەلگەن. ونىڭ بويى -188 سانتيمەتر