شاكارىمنىڭ سۇيەگى سالىنعان شابادان كوپشىلىكتىڭ نازارىنا ۇسىنىلدى
وتكەن عاسىردىڭ 61-جىلى احات شاكارىم ۇلى تاپ وسى چەمودانعا 30 جىل قۇرقۇدىقتا جاتقان اكەسىنىڭ سۇيەگىن سالىپ، جيدەبايعا اپارىپ ارۋلاپ كومگەن. كونە جادىگەر 1952 -جىلى جاسالىپ شىعىپتى، ۇزىندىعى - 72، ەنى - 46، بيىكتىگى - 24 سانتيمەتر. بۇل - قاراۋىل اۋىلىندا تۇرعان كەنجەتىلەۋ دولانبەكوۆ ءۇيىنىڭ مۇلكى. ال چەموداندى مەملەكەتتىك قورىق- مۋزەيگە بىلتىر ايدار دولانبەكوۆ تاپسىرعان. مۋزەي قىزمەتكەرلەرى ءبىر جىلدان بەرى ناقتى دايەك- تەمەلەر مەن تاريحي زەرتتەۋلەر جۇرگىزىلگەنىن ايتادى.
قۋات قيىقباي، اباي مۋزەيىنىڭ اعا عىلىمي قىزمەتكەرى:
- وسى جادىگەر تۋرالى ءمىناش ءارحام قىزىنىڭ جانە دوسمۇحان توققارا ۇلىنىڭ ەستەلىكتەرىندە ايتىلعان. شىن مانىندە وسى شابادان ارقىلى شاكارىم قۇدايبەردى ۇلىنىڭ سۇيەگى باقاناس ەلدى مەكەنىندەگى قۇرقۇدىقتان الىنىپ، توپىراعى ارشىلىپ الىنعاننان كەيىن جيدەبايعا جەتكىزىلگەن. ول تۋرالى احات اقساقالدىڭ جيدەباي جەرىنە شاكارىم سۇيەگىن جەتكىزگەنى قابيدوللا مەدەۋوۆتىڭ دە ەستەلىكتەرى بار.
www.24.kz