ترامپ ساۋد ارابياسىنا مۇنايدى ارزانداتقانى ءۇشىن العىس ءبىلدىردى
20 - قاراشا كۇنگى ساۋدادا Brent ماركالى مۇناي باررەلى 62,5 دوللارعا تۇسكەن، ال WTI ماركالى مۇناي 53,5 دوللارعا ارزانداعان. ءدال وسى كۇنى ترامپ جۋرناليست جامال حاشوگگيدىڭ ولىمىنە قاتىستى ا ق ش پەن باتىس ەلدەرىنىڭ ايىپتاۋىنا قاراماستان، ۆاشينگتون ەر- ريادپەن جاقسى قارىم- قاتىناستى ساقتاپ قالعىسى كەلەتىنىن مالىمدەگەن.
ا ق ش باسشىسى ساۋد ارابياسىنا سانكسيا سالماۋعا دا ۋادە بەردى، سەبەبى ەر- رياد ۆاشينگتوننىڭ ساۋالىنا «ىقىلاسىپەن» جاۋاپ بەرىپ جاتىر. اق ءۇي جەتەكشىسى ا ق ش- تىڭ كورولدىكپەن اسكەري قارىم- قاتىناسقا تىيىم سالۋى رەسەي مەن قىتايعا قولايلى بولاتىنىن جەتكىزدى.
قازان ايىنىڭ باسىندا Brent ماركالى مۇنايدىڭ باررەلى 82 دوللاردان اسقان. WTI ماركالى مۇناي 73 دوللاردان جوعارى بولاتىن. وسىلايشا، ءبىر جارىم ايدىڭ ىشىندە مۇنايدىڭ ەكى ماركاسى دا 25 پايىزعا ارزانداپ كەتتى.
مۇنايدىڭ ارزانداۋى قور نارىعىندا اكسيالار باعامىنىڭ تومەندەۋىمەن تۇسپا- تۇس كەلىپ وتىر. امەريكانىڭ Facebook, Apple, Amazon, Netflix, Google سياقتى تەحنولوگيالىق كومپانيالارى نارىقتا سوڭعى ۋاقىتتا جيىنى ءبىر تريلليون دوللار جوعالتتى.
سوڭعى جىلدا الەمدە مۇناي باعاسى ا ق ش يرانعا سانكسيا سالادى دەگەن قاۋىپتەن جانە OPEC ەلدەرى مۇناي ءوندىرۋ كولەمىن قىسقارتۋ جونىندە كەلىسىمگە كەلگەن سوڭ جوعارلاعان.
www.azattyq.org