قازاقستان مەن سينگاپۋر اراسىندا ءبىرقاتار كەلىسىمشارتقا قول قويىلدى
ب. ساعىنتايەۆ قازاقستان - سينگاپۋر بيزنەس- فورۋمىنا قاتىسىپ، وسى ەلدىڭ ۇكىمەت باسشىسى لي سيان لۋنمەن كەزدەستى. سونىمەن قاتار، جەتەكشى يننوۆاتسيالىق كومپانيالارمەن قازاقستان ەكونوميكاسىن ءۇشىنشى جاڭعىرتۋ اياسىنداعى ىنتىماقتاستىق مۇمكىندىكتەرىن تالقىلادى.
بۇدان وزگە، ءبىرقاتار نىساندى ارالادى. ولاردىڭ قاتارىندا HDB تۇرعىن ءۇي قۇرىلىسى كەڭسەسى، А*Star عىلىم، تەحنولوگيالار جانە زەرتتەۋلەر اگەنتتىگى، Biopolis عىلىمي- زەرتتەۋ ورتالىعى، Fusionopolis ستارتاپ- حابى، سونداي- اق Modelfactory@SIMTech زاۋىتى بار.
قازاقستان - سينگاپۋر بيزنەس- فورۋمىنا ەكى ەلدىڭ ىسكەرلىك ورتالارىنىڭ 500-گە جۋىق وكىلى، مەملەكەتتىك ورگاندار مەن ۇلتتىق كومپانيالاردىڭ باسشىلارى قاتىستى. ءىس- شارا اياسىندا تاراپتار ساۋدا- ەكونوميكالىق ىنتىماقتاستىقتى نىعايتۋ، قازاقستان مەن سينگاپۋردىڭ بيزنەس قۇرىلىمدارىنىڭ ءوزارا ءىس- قيمىلىنىڭ باسىم باعىتتارىن دامىتۋ جانە پەرسپەكتيۆالىق ينۆەستيتسيالىق جوبالاردى ىسكە اسىرۋعا قاتىستى اۋقىمدى ماسەلەلەر بويىنشا پىكىر الماستى.
پرەمەر- مينيستر باقىتجان ساعىنتايەۆ «قۇبىلمالى ەۋرازياداعى قازاقستاننىڭ ءرولى» پلەنارلىق سەسسياسىندا ءسوز سويلەۋ بارىسىندا، سينگاپۋردىڭ قازاقستاننىڭ وڭتۇستىك- شىعىس ازياداعى اسا ماڭىزدى ساۋدا- ەكونوميكالىق سەرىكتەستەرىنىڭ بىرىنە اينالعانىن اتاپ ءوتتى. بۇگىنگى تاڭدا وڭدەۋ ونەركاسىبى، ساۋدا، اقپاراتتىق- كوممۋنيكاتسيالىق تەحنولوگيالار، قۇرىلىس جانە قارجى سالالارىندا بىرلەسكەن كاسىپورىندار جۇمىس ىستەيدى. سونىمەن قاتار، بيزنەس- فورۋمنىڭ قاتىسۋشىلارىنا قازاقستانعا ينۆەستيتسيا سالۋدىڭ جاڭا مۇمكىندىكتەرى تۋرالى مالىمەت بەرىلدى. يننوۆاتسيالار، كولىك جانە لوگيستيكا، تۇرعىن ءۇي قۇرىلىسى، سونداي- اق وڭدەۋ ونەركاسىبىن جانە شيكىزاتتىق ەمەس ەكسپورتتى دامىتۋ باعىتتارى بويىنشا ىنتىماقتاستىقتى دامىتۋدىڭ الەۋەتتەرى اتالىپ ءوتتى.
قازاقستان ۇكىمەتى سينگاپۋرلىق كومپانيالاردى بەلسەندى ىنتىماقتاستىق ورناتۋعا، جاڭا بىرلەسكەن جوبالاردى ىسكە اسىرۋعا، وعان قوسا، «استانا» حالىقارالىق قارجى ورتالىعىنىڭ جۇمىسىنا جانە جەكەشەلەندىرۋ باعدارلاماسىنا قاتىسۋعا شاقىردى.
ءوز كەزەگىندە، سينگاپۋر تاراپىنان سپيكەر رەتىندە سينگاپۋردىڭ قۇرمەتتى ءمينيسترى، بۇرىنعى پرەمەر- ءمينيسترى گو چوك تونگ، سينگاپۋر رەسپۋبليكاسىنىڭ ساۋدا جانە يندۋستريا جونىندەگى اعا مەملەكەتتىك ءمينيسترى كو پو كۋن، Singapore Cooperation Enterprise باسقارما ءتوراعاسى كونگ ۆي مۋن، وڭتۇستىك- ازيا زەرتتەۋلەرى ينستيتۋتىنىڭ (ISAS) باس عىلىمي قىزمەتكەرى، سينگاپۋر ۇلتتىق ۋنيۆەرسيتەتى، بانگلادەشتىڭ بۇرىنعى سىرتقى ىستەر ءمينيسترى د- ر يفتەحار احمەد چوۋدحۋري، Meinhardt Group باسقارما ءتوراعاسى شاحزاد ناسيم، Food Empire باسقارما ءتوراعاسى تان ۆانگ چۋ، CG Corp Global اتقارۋشى ديرەكتورى ۆارۋن چاۋدحۋري ءسوز سويلەدى.
ءوزارا ءىس- قيمىلدى تەرەڭدەتۋ پەرسپەكتيۆالارى «قازاقستان - سينگاپۋر ىسكەرلىك ىنتىماقتاستىعىنىڭ الەۋەتىن زەردەلەۋ»، «قازاقستانداعى ينۆەستيتسيالار: تەتىكتەر جانە تاجىريبە» اتتى تاقىرىپتىق سەسسيالارىنىڭ اياسىندا تالقىلاندى. بۇدان وزگە، فورۋم الاڭدارىندا Road Show جانە ءبىرقاتار ىسكەرلىك ەكىجاقتى كەزدەسۋلەر وتكىزىلدى.
بيزنەس- فورۋم سوڭىندا ينۆەستيتسيالاردى كوتەرمەلەۋ جانە ءوزارا قورعاۋ تۋرالى ۇكىمەتارالىق كەلىسىمگە، سونداي- اق اكت جانە قارجى تەحنولوگيالارى، قۇرىلىس، ءبىلىم، مۇناي- گاز حيمياسى جانە تاماق ونەركاسىبى سالالارىنداعى قازاقستان مەن سينگاپۋر اراسىنداعى ىنتىماقتاستىقتى جانداندىرۋعا باعىتتالعان قۇجاتتارعا قول قويىلدى.
قورىتىندى قۇجاتتار:
قازاقستان رەسپۋبليكاسىنىڭ جانە سينگاپۋر رەسپۋبليكاسىنىڭ ۇكىمەتتەرى اراسىنداعى ديپلوماتيالىق جانە قىزمەتتىك/رەسمي پاسپورتتاردىڭ يەلەرىنە ۆيزالىق تالاپتاردان ءوزارا بوساتۋ شارتتارى تۋرالى كەلىسىم؛
ق ر اقپارات جانە كوممۋنيكاتسيالار مينيسترلىگى مەن سينگاپۋردىڭ اقپاراتتىق جانە كوممۋنيكاتسيالىق تەحنولوگيالار سالاسىنداعى ىنتىماقتاستىق جونىندەگى اگەنتتىگى اراسىنداعى ءوزارا تۇسىنىستىك تۋرالى مەموراندۋم؛
«استانا» حالىقارالىق قارجى ورتالىعى مەن CRIMSONLOGIC PTE LTD اراسىنداعى Open Trade Blockchain ءونىمىن ەنگىزۋ بويىنشا ءوزارا تۇسىنىستىك تۋرالى مەموراندۋم؛
«بايتەرەك» ۇ ب ح» ا ق مەن ENTERPRISE SINGAPORE BOARD اراسىنداعى ۆەنچۋرلىق قارجىلاندىرۋ سالاسىنداعى ءوزارا تۇسىنىستىك تۋرالى مەموراندۋم؛
«بايتەرەك» ۇ ب ح» ا ق جانە Singapore Cooperation Enterprise اراسىنداعى تۇرعىن ءۇي قۇرىلىسى جانە قولجەتىمدى باسپانا سالاسىنداعى ءوزارا تۇسىنىستىك تۋرالى مەموراندۋم؛
«Kazakh Invest» ا ق جانە KinderWorld International Group Ltd. اراسىندا ق ر- دا 12 جىلدىق باعدارلاما بويىنشا مەكتەپكە دەيىنگىدەن باستاپ ورتا مەكتەپتە ءبىلىم بەرۋگە دەيىن سينگاپۋر ءبىلىم بەرۋ ورتالىعىن اشۋ بويىنشا ءوزارا تۇسىنىستىك تۋرالى مەموراندۋم؛
«Kazakh Invest» ا ق جانە Pegasus Education Group Pte. Ltd اراسىنداعى ق ر- دا ورتا كاسىپتىك بىلىمنەن جوعارى بىلىمگە دەيىن سينگاپۋر ءبىلىم بەرۋ مەتروپوليسىن اشۋ بويىنشا ءوزارا تۇسىنىستىك تۋرالى مەموراندۋم؛
«Kazakh Invest» اق جانە WESTGASOIL PTE. LTD اراسىنداعى مەتانول جانە ولەفيندەر شىعارۋ زاۋىتىنىڭ قۇرىلىسى جوبالارىن سۇيەمەلدەۋ بويىنشا ءوزارا تۇسىنىستىك تۋرالى مەموراندۋم؛
...
بۇدان بولەك، جۇمىس ساپارى اياسىندا باقىتجان ساعىنتايەۆ سينگاپۋر پرەمەر- ءمينيسترى ليا سيان لۋنمەن كەزدەسۋ وتكىزدى. اڭگىمە بارىسىندا سىرتقى ساۋدا اينالىمىنىڭ وڭ ديناميكاسى اتاپ ءوتىلدى: وتكەن جىلدىڭ قورىتىندىلارى ەكىجاقتى تاۋار اينالىمىنىڭ % 35 ارتۋىن كورسەتىپ وتىر. سونىمەن قاتار، ىنتىماقتاستىقتىڭ بارلىق باعىتتارى بويىنشا ءوزارا ءىس- قيمىلدى ودان ءارى ۇلعايتۋ ءۇشىن زور الەۋەتتىڭ بارى اتاپ ءوتىلدى. اتاپ ايتقاندا، يننوۆاتسيالار جانە ات، كولىك جانە لوگيستيكا، يندۋستريالاندىرۋ، قۇرىلىس، ءبىلىم جانە عىلىم، دەنساۋلىق ساقتاۋ سالالارىندا ىنتىماقتاستىق ورناتۋعا بولادى.
تاراپتار ەلدەر اراسىندا سيفرلاندىرۋ، «اقىلدى قالالاردى» ىلگەرىلەتۋ، يننوۆاتسيالىق جەلى قۇرۋ مەن كيبەرقاۋىپسىزدىكتى دامىتۋ بويىنشا ىنتىماقتاستىق ورناتۋ ءۇشىن اشىلىپ وتىرعانى كەڭ مۇمكىندىكتەردىڭ مىندەتتەرىن ايقىندادى. ب. ساعىنتايەۆ ىنتىماقتاستىقتى ودان ءارى دامىتۋعا تاريحي تۇرعىدان قازاقستان پرەزيدەنتى ن. نازاربايەۆ پەن سينگاپۋردىڭ نەگىزىن قالاعان تۇلعا لي كۋان يۋدىڭ جەكە دوستىعىنا نەگىزدەلگەن ەكى ەل اراسىندا ورناعان جىلى قارىم- قاتىناس تا، حالىقارالىق ماسەلەلەر مەن الەمدىك دامۋعا قاتىستى تاسىلدەرىنىڭ ۇقساستىعى دا ىقپالىن تيگىزەتىنىن اتاپ ءوتتى. قازاقستان مەملەكەتتى سينگاپۋر مەن باسقا دا دامىعان وزىق ەلدەردىڭ كوپتەگەن ادىستەمەلەرى مەن تاجىريبەلەرىن الۋ ارقىلى جاڭعىرتۋ جولىمەن كەلە جاتىر.
سينگاپۋردە سونىمەن قاتار ىنتىماقتاستىقتى دامىتۋدىڭ كوپتەگەن ماسەلەلەرى مەن بىرلەسكەن جوبالاردى ىسكە اسىرۋ بويىنشا ءىرى يننوۆاتسيالىق كومپانيالاردىڭ وكىلدەرىمەن ءبىرقاتار ەكىجاقتى كەزدەسۋلەر ءوتتى.
سونىمەن قاتار، قازاقستان پرەمەر- ءمينيسترى سينگاپۋرعا جۇمىس ساپارى اياسىندا ءبىرقاتار نىساندارعا بارىپ، زاماناۋي تەحنولوگيالارمەن جانە يننوۆاتسيالارمەن تانىستى.