اسكەري قىزمەتشى دزيۋدودان قازاقستان چەمپيونى اتاندى

استانا. قازاقپارات - ارميا ورتالىق سپورت كلۋبىنىڭ سپورتشىلارى رەسپۋبليكالىق جارىستا التىن مەدالدى قانجىعاعا بايلادى، دەپ حابارلايدى قازاقپارات ق ر قورعانىس مينيسترلىگىنىڭ رەسمي سايتىنا سىلتەمە جاساپ.

استانا قالاسىنداعى «داۋلەت» سپورت كەشەنىندە ەرلەر مەن ايەلدەر اراسىندا دزيۋدودان جەكە جانە توپتىق چەمپيونات ءوتتى. سايىس قورىتىندىسى بويىنشا، ابسوليۋتتى سالماقتاعى ارميا ورتالىق سپورت كلۋبىنىڭ جاۋىنگەرى ەراسىل قاجىباي ۇلى قازاقستان چەمپيونى اتاندى.

رەسپۋبليكالىق بىرىنشىلىكتە ەلىمىزدىڭ 14 وبلىسىنان، سونىمەن قاتار استانا، الماتى جانە شىمكەنت قالالارىنان 437 دزيۋدوشى باق سىنادى.

ايتا كەتەيىك، بۇعان دەيىن اقتاۋ قالاسىندا وتكەن بوكستان ۇلتتىق بىرىنشىلىكتە ارميا ورتالىق سپورت كلۋبىنىڭ سپورتشىلارى ءابىلحان امانقۇل مەن قايرات ەراليەۆ «التىن» جۇلدەگە قول جەتكىزگەن بولاتىن. مىقتىلاردى انىقتايتىن سايىسقا 200 سپورتشى قاتىستى. تۋرنيردىڭ ابسوليۋتتى جەڭىمپازدارىنان باسقا، قارۋلى كۇشتەر قىزمەتكەرى اسلانبەك شىمبەرگەنوۆ فينالدا قاراعاندى وبلىسىنىڭ سپورتشىسىنا ەسە جىبەرىپ، كۇمىس جۇلدەگە يە بولدى.