قازاقستاندا گەنەتيكالىق تۇرلەندىرىلگەن سوياسى وتە كوپ ءونىم اينالىمنان الىنىپ تاستالدى

استانا. قازاقپارات - ق ر د س م قوعامدىق دەنساۋلىق ساقتاۋ كوميتەتى قۇرامىندا گەندىك-تۇرلەندىرىلگەن ينگريديەنتتەر بار ونىمدەردى انىقتادى، دەپ حابارلايدى قازاقپارات.

قوعامدىق دەنساۋلىق ساقتاۋ كوميتەتى ءونىمنىڭ قاۋىپسىزدىگىنە مونيتورينگ جۇرگىزۋ بارىسىندا پەتروپاۆل قالاسىنداعى «سيەۆەرنىي» سۋپەرماركەتىندە (سولتۇستىك قازاقستان وبلىسى) باقىلاۋ ءۇشىن ساتىپ العان ءونىمنىڭ قۇرامىندا گەنەتيكالىق تۇرلەندىرىلگەن سويانىڭ شامادان تىس كوپ ەكەندىگىن انىقتادى.

قاپتامادا ءونىمدى دايىنداۋشى «زەلەنوە سەلو» (قىتاي) ونىمدەرى ج ش ق دەپ كورسەتىلگەن. «دەد موروز» دەپ اتالاتىن يۋن-ن سويا ەتىندە نورما بويىنشا گەنەتيكالىق تۇرلەندىرىلگەن سويا %0,9 بولۋى كەرەك. الايدا وندا تۇرلەندىرىلگەن سويانىڭ 2 جەلىسى (MON 89788 - 8.45% جانە GTS 40-3-2 - 1.77%) شامادان تىس ارتىق بولعان.

«تاماق ءونىمى ق ح ر چاپچال-سيبو اۆتونومدى ۋەزىندە وندىرىلگەن جانە اكەلىنگەن. بۇل رەتتە تۇتىنۋ قاپتاماسىندا كورسەتىلگەن ونىمدەردە گەندىك-تۇرلەندىرىلگەن ينگريديەنتتەردىڭ قۇرامى تۋرالى اقپارات جوق.

وسىلايشا، اتالمىش سويا ەتىن انىقتاۋ جانە اينالىمنان الىپ تاستاۋ بويىنشا شارالار قابىلدانۋدا»، - دەلىنگەن حابارلامادا.

سونىمەن قاتار، كوميتەتتىڭ بارلىق اۋماقتىق ورگاندارىنا اتالعان ءونىمدى انىقتاۋ جانە اينالىمنان الىپ تاستاۋ جونىندە تاپسىرما بەرىلدى.

ايتا كەتەرلىگى، تاماق ونىمدەرىندەگى گ ت و قۇرامىنىڭ رۇقسات ەتىلگەن نورماسى %0,9 دان اسپايدى. بەلگىلەنگەن تالاپتارعا، ونىڭ ىشىندە اليمەنتاريۋس كودەكسىنىڭ حالىقارالىق تاعام ستاندارتتارىنا سايكەس قۇرامىندا %0,9 دان استام گ ت و بار تاماق ءونىمى مىندەتتى تۇردە تاڭبالانۋى ءتيىس.