ۇلى بريتانيادا فۋنت- ستەرلينگ باعامى قۇلدىراي باستادى

وسى اپتادا لوندون مەن بريۋسسەل ۇلىبريتانيانىڭ ەو قۇرامىنان شىعۋ شارتتارى بويىنشا ىمىراعا كەلگەن بولاتىن. ەلدىڭ ەۋروپا وداعىنان شىعۋ ماسەلەلەرى جونىندەگى ءمينيسترى دومينيك رااب «برەكسيت» شارتتارى بويىنشا كەرەعار پىكىردە بولعاندىقتان، وتستاۆكاعا كەتەتىنىن مالىمدەدى.

«بۇگىن مەن «برەكسيت» ماسەلەلەرى جونىندەگى مينيستر لاۋازىمىنان وتستاۆكاعا كەتۋگە ءوتىنىش جازدىم. ەو قۇرامىنان شىعۋ جونىندەگى كەلىسىمنىڭ شارتتارىن قولداۋعا مەنىڭ ار- ۇياتىم جول بەرمەيدى» ، - دەپ جازدى د. رااب بەيسەنبىنىڭ تاڭىندا Twitter پاراقشاسىندا.

ول بۇدان تىس، وتستاۆكاعا كەتۋ سەبەپتەرىن ءتۇسىندىرىپ، پرەمەر- مينيستر تەرەزا مەيگە جولداعان حاتىن دا جۇرتشىلىق نازارىنا ۇسىندى.

«ءوز تاراپىمنان، مامىلەنى ەكى سەبەپ بويىنشا قولداي المايمىن. بىرىنشىدەن، سولتۇستىك يرلانديا ءۇشىن ۇسىنىلعان رەتتەۋ رەجيمى بىرىككەن كورولدىكتىڭ ءبىرتۇتاستىعىنا ايتارلىقتاي قاۋىپ توندىرەدى» ، - دەدى د. رااب.

ال ەكىنشى سەبەپ رەتىندە د. رااب ەۋرووداققا ۇلى بريتانيانىڭ وداق قۇرامىنان شىعۋ شەشىمىنە ۆەتو قۇقىعىنىڭ بەرىلۋىنە توزە المايتىنىن اتاپ كورسەتتى.

ودان باسقا، بريتانيانىڭ سولتۇستىك يرلانديا ىستەرى جونىندەگى مينيسترلىگىنىڭ مەملەكەتتىك حاتشىسى شايلەش ۆارا دا ەلدىڭ ەو قۇرامىنان شىعۋ شارتتارى تۋرالى كەلىسىم جوباسىنا كەلىسە الماي، بەيسەنبى كۇنى وتستاۆكاعا كەتۋ تۋرالى ءوتىنىش جازعان ەدى.

سونىڭ سالدارىنان بريتان ۆاليۋتاسىنىڭ باسقا كوپتەگەن نەگىزگى ۆاليۋتالارمەن سالىستىرعانداعى باعامى تومەندەدى. فۋنت ا ق ش دوللارىنا قاتىستى %1,1، ەۋروعا قاتىستى % 1,25 قۇنسىزداندى.

سارسەنبى كۇنى كەشكىسىن ۇلىبريتانيا ۇكىمەتى ەلدىڭ ەو قۇرامىنان شىعۋ شارتتارى تۋرالى كەلىسىمنىڭ جوباسىن ماقۇلدادى. تەرەزا مەيدىڭ ايتۋىنشا، بۇل - بريۋسسەلمەن كەلىسۋگە بولاتىن ەڭ جاقسى جوبا.

25 - قاراشا كۇنى ۇلىبريتانيانىڭ ەۋروپا وداعىنان شىعۋ شارتتارى تۋرالى كەلىسىم جونىندەگى جۇمىستىڭ اياقتالۋىنا ارنالعان كەزەكتەن تىس سامميت وتەدى.