دانيار ەلەۋسىنوۆ بەسىنشى جەكپە-جەگىنە قالاي دايىندالىپ جاتىر

استانا. قازاقپارات - Univision.com سايتىنىڭ جۋرناليسى جانە فوتوگرافى لەستەر سيلۆا Instagram-دا قازاقستاندىق بوكسشى دانيار ەلەۋسىنوۆتىڭ سوڭعى جاتتىعۋلارىنىڭ كادرلارىن جاريالادى، دەپ جازادى Sports.kz.

«وليمپيادا چەمپيونى دانيار ەلەۋسىنوۆ ساۋس-بيچتەگى (فلوريدا) الەمگە تانىمال 5th Street زالىندا بىرنەشە راۋند وتكىزدى»، - دەپ جازدى سيلۆا.

ايتا كەتەيىك، 27 جاستاعى ەلەۋسىنوۆتىڭ مۇددەسىن قورعايتىن Matchroom Boxing پروموۋتەرلىك كومپانياسى ونىڭ كاسىبي بوكستاعى بەسىنشى جەكپە-جەگىنىڭ قاشان جانە قايدا وتەتىنىن جاريالاعان بولاتىن. ونىڭ قارسىلاسى ازىرگە بەلگىسىز.

21- قازاندا دانيار ەلەۋسىنوۆ جارتىلاي ورتا سالماقتاعى ءتورتىنشى جەڭىسىنە قول جەتكىزدى. بۇل دانياردىڭ الەمدىك رەيتينگتە ءبىرشاما جوعارى كوتەرىلۋىنە جول اشتى.