استانادا ميكرونەسيە الۋشىلاردىڭ سانى ارتتى
ەلوردا اكىمدىگىنىڭ رەسمي سايتىندا ءمالىم ەتىلگەندەي، بۇگىنگى تاڭدا جالپى 604,4 ميلليون تەڭگە سوماسىنا 49 جوبا قارجىلاندىرىلدى. ونىڭ ىشىندە قىزمەت كورسەتۋ سالاسىندا - 18، كولىك سالاسىندا - 2، ساۋدا-ساتتىقتا - 15، وندىرىستە - 5، قوعامدىق تاماقتانۋ سالاسىندا 5 جوباعا قولداۋ كورسەتىلدى.
«2017-جىلى ميكرونەسيەلەۋ شەڭبەرىندە 465,0 ميلليون تەڭگە سوماسىندا 38 جوباعا قولداۋ كورسەتىلدى، ونىڭ ىشىندە 22 جوبا باستاۋىش كاسىپكەرلەر، كەپىلدىك بويىنشا 22 جوباعا 149,4 ميلليون تەڭگە سوماسىندا كەپىلدىك بەرىلەدى. 2018-جىلى ميكرونەسيەلەۋ شەڭبەرىندە 158,3 ميلليون تەڭگە سوماسىندا 11 جوبا قولداۋ كوردى، ونىڭ 10 جوباسى باستاۋىش كاسىپكەرلەر»، - دەلىنگەن قالالىق ينۆەستيتسيا جانە كاسىپكەرلىكتى دامىتۋ باسقارماسىنىڭ مالىمەتىندە.
اتاپ وتىلگەندەي، قازىر ەكىنشى دەڭگەيلى بانكتەردىڭ قاراۋىندا جالپى سوماسى 172,4 ميلليون تەڭگە بولاتىن 12 جوبا جاتىر. سونداي-اق ماقۇلداۋ جانە بەكىتۋ كەزەڭىندە تاعى 10 جوبا (165,5 ميلليون تەڭگە سوماسىنا) بار. 2017 جىلى جۇمىسپەن تۇراقتى تۇردە قامتاماسىز ەتۋ ماقساتىندا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021-جىلدارعا ارنالعان جاڭا باعدارلاماسى قابىلدانعان بولاتىن.
استانا قالالىق ينۆەستيتسيا جانە كاسىپكەرلىكتى دامىتۋ باسقارماسىندا ەكىنشى باعىت ىسكە اسىرىلۋدا - ول حالىقتى ميكرونەسيەلەۋگە باعىتتالعان، وقىتۋدان وتكەن جانە باستاۋىش كاسىپكەرلەرگە ارنالعان، جاپپاي كاسىپكەرلىكتى دامىتۋ.
باعدارلامانىڭ ءبىر عانا قاتىسۋشىسىنا بەرىلەتىن قارجىلاندىرۋدىڭ ماكسيمالدى ءليميتى 8 مىڭ ايلىق كورسەتكىش.
