16:19, 10 - قاراشا 2018 | GMT +6
اتىراۋ وبلىسىنىڭ اكىمدىگى قالماق رەسپۋبليكاسى ۇكىمەتىمەن ىنتىماقتاستىق تۋرالى كەلىسىمگە قول قويدى
پەتروپاۆل. قازاقپارات - قازاقستان رەسپۋبليكاسى مەن رەسەي فەدەراتسياسى پرەزيدەنتتەرىنىڭ قاتىسۋىمەن قازاقستان مەن رەسەيدىڭ ءوڭىرارالىق ىنتىماقتاستىعىنىڭ XV فورۋمى شەڭبەرىندە اتىراۋ وبلىسى اكىمدىگى مەن قالماق رەسپۋبليكاسىنىڭ ۇكىمەتى ىنتىماقتاستىق تۋرالى كەلىسىمگە قول قويدى، دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
اتىراۋ وبلىسىنىڭ تاراپىنان كەلىسىمگە وبلىس اكىمى نۇرلان نوعايەۆ جانە قالماق رەسپۋبليكاسى ۇكىمەتىنىڭ تاراپىنان رەسپۋبليكا باسشىسى الەكسەي ورلوۆ قول قويدى.
بۇل كەلىسىم ەكىجاقتى قارىم-قاتىناستاردى دامىتۋعا جانە ساۋدا-ەكونوميكالىق بايلانىستاردى ورناتۋ ءۇشىن جاعداي جاساۋعا باعىتتالعان.
«تۋريزم سالاسىنداعى سەرىكتەستىك تۋريستىك رەسۋرستاردى ءتيىمدى پايدالانۋ بويىنشا باستامالاردى بەلسەندى تۇردە قولداۋعا، سونداي-اق وڭىرلەردىڭ تابيعي جانە مادەني مۇرالارىن بەلسەندى تۇردە العا جىلجىتۋعا باعىتتالعان»، - دەدى اتىراۋ وبلىسىنىڭ كاسىپكەرلىك جانە يندۋستريالىق-يننوۆاتسيالىق ىنتىماقتاستىعى باسقارماسىنىڭ باسشىسى ايقىن ەلەۋسىزوۆ.
ايتا كەتەيىك، اتىراۋ وبلىسىنىڭ دەلەگاتسياسى پەتروپاۆلدا وتكەن ءوڭىرارالىق ىنتىماقتاستىق فورۋمىنىڭ جۇمىسىنا قاتىستى.
