اپەلسين شىرىنىنىڭ پايداسى
س دارۋمەنىنىڭ كۇندەلىكتى نورماسىن قامتاماسىز ەتەدى
اسكوربين قىشقىلىنسىز ادام اعزاسى قالىپتى جۇمىس ىستەي المايدى. س دارۋمەنى ءتىس پەن سۇيەكتى، يممۋندىق جۇيەنى نىعايتىپ، ينفەكتسيالارمەن، ۆيرۋستارمەن كۇرەسۋگە كومەكتەسەدى.
قانداعى حولەستەرين دەڭگەيىن تومەندەتەدى
اپەلسين شىرىنىنىڭ قۇرامىندا قانداعى حولەستەرين دەڭگەيىن تومەندەتەتىن زاتتار بار. بۇل ينسۋلت پەن جۇرەك - قان- تامىر اۋرۋلارىنىڭ الدىن الۋعا كومەكتەسەدى.
اسقازان جاراسىنان قورعايدى
سوڭعى زەرتتەۋلەردە س دارۋمەنى كوپ تاعامداردى تۇتىناتىن ادامداردىڭ اسقازان جاراسىنا شالدىقپايتىنى انىقتالدى.
بۇيرەكتە تاستىڭ پايدا بولۋىنا قارسى تۇرادى
كۇنىنە بىرنەشە ستاقان اپەلسين شىرىنىن نەمەسە باسقا تسيترۋس شىرىنىن ىشسەڭىز اعزاداعى ليمون قىشقىلىنىڭ كونتسەنتراتسياسىن ارتتىراسىز. وسىلايشا بۇيرەكتە تاستىڭ پايدا بولۋىنىڭ الدىن الاسىز.
اعزاعا كومىرسۋلار جەتكىزەدى
اپەلسيندە وڭاي قورىتىلاتىن كومىرسۋلار بار. سوندىقتان بۇل شىرىندى ارىقتاعىسى كەلەتىن ادامدارعا، جانە قانت ديابەتىمەن اۋىراتىندارعا ىشۋگە بولادى.
دەرەككوز: سەگودنيا
