حالقىمىزدىڭ سالبۋرىن سالتى قايتا جاڭعىردى

استانا. قازاقپارات - اڭشىلاردىڭ بىرنەشە كۇن بويى اڭعا شىعۋى قازاقتا سالبۋرىن دەپ اتالادى. ەرتەرەكتە قاسىم حاننىڭ ءوزى دە مىڭداعان سالت اتتى نوكەرى مەن جۇزدەگەن تازى ءيتىن ەرتىپ، سالبۋرىنعا شىعىپ، ايلاپ تاۋ- دالانى كەزىپ، اڭ- قۇس اۋلاعان ەكەن.

 سالبۋرىن ءداستۇرىنىڭ تاماشا كورىنىستەرى مۇحتار اۋەزوۆتىڭ «اباي جولى» رومانىندا دا قىزىقتى باياندالادى دەپ جازادى وڭىرلىك ديدار گازەتى. سالبۋرىن -  اڭشىلاردىڭ ەرلىگى مەن ەپتىلىگىن، مارتتىگى مەن جومارتتىعىن سىنايتىن ەجەلگى ءداستۇر.

 كەڭەستىك كەزەڭدە بۇل ءداستۇردىڭ اتى اتالماي، ات ءمىنىپ، تازى ەرتىپ، اڭ- قۇسقا شىعۋ ەرىككەننىڭ ەرمەگى دەپ ەسەپتەلىنگەن. سويتكەن سالبۋرىن اڭشىلىق ءداستۇرى «رۋحاني جاڭعىرۋ» باعدارلاماسى اياسىندا قايتا جاڭعىرىپ، تاياۋدا «ادال جول» ەستافەتاسىنىڭ وكىلدەرىمەن بىرگە اباي ەلىنە دە كەلىپ جەتتى.

 شىعىس قازاقستان وبلىسىنىڭ جارما جانە كوكپەكتى اۋداندارىنان باستاۋ العان «سالبۋرىن-18» شاراسى وردا باۋىرىندا، رىساي كولىنىڭ جاعاسىندا جالعاسقان. ايتۋلى شاراعا اياگوز، بورودۋليحا، جارما، كوكپەكتى، تارباعاتاي اۋداندارى مەن سەمەي قالاسىنان، سونداي- اق اباي ەلىنىڭ ارحات، كوكباي، قاراۋىل، قاسقابۇلاق، قۇندىزدى اۋىلدارىنان 60-قا جۋىق اڭشى، قاسقىر، تۇلكى الىپ جۇرگەن 40-قا تاياۋ تازى ءيتى قاتىستى.

 قارلىعاش قاسيەتوۆا، twitter@kasietova:

- جينالعاندار سالبۋرىن ءداستۇرى تۋرالى ويلارىن ورتاعا سالىپ، تاجىريبەلەرىمەن بولىسكەن. ەل ىشىندە ۇساق اڭمەن قاتار تازىنى قاسقىرعا سالاتىن اڭشىلار دا بارشىلىق.

 ماقالادا كەلەشەكتە «تازى اسىراۋشىلار» كلۋبىن اشىپ، سالبۋرىندى ناسيحاتتاۋ جاعى ءسوز بولعان.

www.24.kz