قولعا ۇيرەتىلگەن الىپ جىلان قوجايىنىن بۋىندىرىپ ءولتىردى

استانا. قازاقپارات - گانادا قولعا ۇيرەتىلگەن پيتون ءوز قوجايىنىن بۋىندىرىپ ءولتىردى دەپ حابارلايدى lenta.ru سايتىنا سىلتەمە جاساعان NUR. KZ.

باسىلىمنىڭ مالىمەتىنشە، ۋسىز جىلاننىڭ قوجايىنى مەن دوسى موتوتسيكلمەن جولداستارىنىڭ سابيىنە ەسىم قويۋ سالتاناتىنا بارا جاتقان ەكەن.

ەر ادام جىلاندى موينىنا وتىرعىزىپ العان. جولدا ولار باسقا كولىكپەن سوقتىعىسىپ، سالدارىنان ۇركىپ كەتكەن پيتون كەنەتتەن قوجايىنىن بۋىندىرا باستاپتى.

وقيعا كۋاگەرلەرى ەر ادامعا كومەكتەسۋگە تىرىسقانىمەن تالپىنىستارى ءساتسىز اقتالعان. جىلاندى تاياقتىڭ كومەگىمەن قوجايىنى ولگەننەن كەيىن عانا بوساتىپ العان.

ەڭ قىزىعى مارقۇم ەر ادام پيتونىن «سيقىرلى» دەپ ەسەپتەپ، ونىڭ كومەگىمەن دۋالار جاساعان.