ءجۇزۋ سپورتىنان قازاقستاندا رەكورد جاڭاردى
جارقىن وقيعالاردىڭ ءبىرى - ادەلايدا پچەلينسەۆا ورناتقان ەلدىڭ جاڭا رەكوردى، دەپ حابارلايدى قازاقستان ۇ و ك- عا سىلتەمە جاساعان سيا «SPORTINFORM».
سپورتشى كەۋدەمەن جۇزۋدەن 50 مەتر قاشىقتىقتى تاماشا ەڭسەردى. ەندى قازاقستاننىڭ بۇل تۇردەگى ەڭ جوعارى جەتىستىگى 31,55 سەكۋندقا تەڭ.
«ءبىز ودان دا جاقسى ۋاقىتتى كورسەتۋ ءۇشىن دايىندالعانبىز. بۇل الەم چەمپيوناتىنا دايىندىقتىڭ قورىتىندى سورەسى بولعان. جىبەرگەن قاتەلەرمەن جۇمىس ىستەيمىز. ودان كەيىن ءاچ- دا بۇدان دا جاقسى ناتيجە كورسەتپەكپىز. رەكوردتىق ءجۇزۋ مەنى وتە قۋانتتى. سۇيىكتى ديستانسيادا حالىقرالىق كلاستاعى سپورت شەبەرىنىڭ نورماسىن ورىندادىم. وتە باقىتتىمىن! جالپى العاندا، بۇل ماۋسىم مەن ءۇشىن جاقسى ءوتتى. ەندى ەرەسەكتەر اراسىنداعى الەم چەمپيوناتىنا قاتىسامىن. بۇل - مەن ءۇشىن ۇلكەن ابىروي»، - دەپ باياندادى جارىستان كەيىن ادەلايدا پچەلينسەۆا.