قىتايدا ەڭ تەرەڭ سۋ استىنداعى مەترو اشىلدى

 استانا. قازاقپارات - قىتايدا ەڭ تەرەڭ سۋ استى مەترو تۋننەلىنىڭ قۇرىلىسى اياقتالدى. ونىڭ ۇزىندىعى 8,1 شاقىرىم دەپ حابارلايدى ر ي ا نوۆوستي.

سۋ استىنان سالىنعان تۋننەل شاندۋن پروۆينتسياسىنداعى تسينداو قالاسىنىڭ باتىسى مەن شىعىسىن بايلانىستىرادى.

China Railway No.3 Engineering Group كومپانياسىنىڭ مالىمەتىنشە، بۇل قىتايداعى ەڭ تەرەڭ تۋننەل سانالادى. ول تەڭىز دەڭگەيىنەن 88 مەتر تومەندە ورنالاسقان. ونىڭ قۇرىلىس جۇمىستارى 2015-جىلدىڭ قىركۇيەك ايىندا باستالىپتى.

اعىمداعى جىلدىڭ قازان ايىندا قىتايدا ەڭ ۇزىن تەڭىز كوپىرى اشىلعان بولاتىن. ول گونكونگ، ماكاو جانە چجۋحاي قالالارىن گۋاندۋن پروۆينتسياسمەن بايلانىستىرادى ەكەن.