جەمقورلىقپەن كۇرەستىڭ جاڭا مودەلى قۇرىلادى - گۇلشارا ءابدىقالىقوۆا

استانا. قازاقپارات - قازاقستاندا جەمقورلىقتىڭ سالدارىمەن ەمەس، سەبەپتەرىمەن كۇرەسەتىن جاڭا مودەل قۇرىلادى، دەپ حابارلايدى قازاقپارات ءتىلشىسى.

بۇل تۋرالى ق ر مەملەكەتتىك حاتشىسى گۇلشارا ءابدىقالىقوۆا استانادا سىبايلاس جەمقورلىققا قارسى ازيا-تىنىق مۇحيتى ايماعى ەلدەرى باستاماسىنىڭ وتىرىسىندا مالىمدەدى.

«2001-جىلى قۇرىلعان بۇل باستاما ازيا-تىنىق مۇحيتى ەلدەرى ءۇشىن ءتيىمدى پىكىر الماسۋ الاڭىنا اينالدى. قازاقستان باستاماعا 2002-جىلى قوسىلدى جانە بۇگىنگە دەيىن سىبايلاس جەمقورلىققا قارسى ماڭىزدى شارالار قابىلداندى. وسىعان بايلانىستى قوعامدىق ادالدىق كەڭەسىن استانادا وتكىزۋ ۇسىنىلدى. مۇنداي اۋقىمدى ءىس-شارا ورتالىق ازيادا العاش رەت ۇيىمداستىرىلدى. وعان 20 دان استام ەلدىڭ وكىلدەرى قاتىسىپ وتىر»، - دەپ اتاپ ءوتتى گۇلشارا ءابدىقالىقوۆا.

گ. ءابىدقالىقوۆا سىبايلاس جەمقورلىققا قارسى ەلىمىزدە جۇرگىزىپ جاتقان اۋقىمدى الەۋمەتتىك جانە ەكونوميكالىق رەفورمالارعا توقتالدى.

«ۇلت جوسپارى اياسىندا 2019-2025-جىلدارعا ارنالعان سىبايلاس جەمقورلىققا قارسى ستراتەگيادا جەمقورلىقپەن كۇرەسۋدىڭ جاڭا مودەلىن قۇرىپ جاتىرمىز. وندا جەمقورلىقتىڭ سالدارىمەن ەمەس، سەبەپتەرىمەن كۇرەسۋ نەگىزگە الىنادى جانە ازاماتتىڭ قىزمەتىنە قاراماستان جازالاۋ ۇستانىمى جۇزەگە اسىرىلادى»، - دەدى ول.

مەملەكەتتىك حاتشىنىڭ ايتۋىنشا، قازاقستاندا بارلىق مەملەكەتتىك ساتىپ الۋلار ەلەكتروندى فورماتقا كوشىرىلگەن. بيزنەس پروتسەستەرى اشىق جانە باقىلاۋدا بولۋى ءۇشىن تولىق اۆتوماتتاندىرىلعان. بۇل جۇيە ت م د ەلدەرى اراسىندا ەڭ ۇزدىك بولىپ سانالادى.

«شەنەۋنىكتەرمەن كەزدەسۋدى ازايتۋ ءۇشىن مەملەكەتتىك قىزمەت تۇرلەرى ەلەكتروندى فورماتقا اۋىستىرىلىپ جاتىر. بۇگىندە مەملەكەتتىك قىزمەتتىڭ %78 ەلەكتروندى تۇردە كورسەتىلەدى جانە بۇل تۇرمىستىق سىبايلاس جەمقورلىقتى 2/3 ازايتتى. الداعى جىلدارى قازاقستاندا مەملەكەتتىك قىزمەت تۇرلەرىنىڭ %90 ەلەكتروندى فورماتقا اۋىستىرىلادى. قالعان %10 قىزمەت ءتۇرى - ءبىر تەرەزە قاعيداتى بويىنشا جۇزەگە اسىرالادى»، - دەدى گ. ءابدىقالىقوۆا.