بوزىمبايەۆ ورىنباسارىنىڭ ۇستالۋى جايىندا: ۆيتسە- ءمينيستردى مينيستر تاعايىندامايدى

استانا. قازاقپارات - ق ر ەنەرگەتيكا ءمينيسترى قانات بوزىمبايەۆ ورىنباسارى اناتولي شكارۋپانىڭ بيۋدجەت قاراجاتىن ۇرلاۋ كۇدىگىنە ىلىنۋىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

  «ەشتەڭە بىلمەيمىن. ءبىرىنشى رەت ەستىدىم. بىلۋىمشە، 2015 -جىلدارى بولعان جايت. ال ول بىزگە جۇمىسقا ءبىر اي بۇرىن عانا كەلدى»، - دەدى ول سەناتتىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.

سونىمەن قاتار، مينيستر ورىنباسارلارىن ءوزى تاعايىندامايتىنىن اتاپ ءوتتى.

«مينيستر ۆيتسە- مينيسترلەردى تاعايىندامايدى. ولار ۇكىمەت قاۋلىسىمەن تاعايىندالادى. ول - تاجىريبەلى ادام. ءمان- جايدى شەشەدى دەپ ويلايمىن»، - دەدى قانات بوزىمبايەۆ.

 ايتا كەتەيىك، ق ر باس پروكۋرورى قايرات قوجامجاروۆ ساران قالاسىنىڭ بۇرىنعى اكىمى، ال قازىرگى كەزدە ەنەرگەتيكا ۆيتسە- ءمينيسترى اناتوليي شكارۋپا 2015 -جىلى 215 ميلليون تەڭگەنى جىمقىرۋ كۇدىگىنە ىلىككەن ءمالىم ەتكەن بولاتىن.

اۆتور: مارلان جيەمباي