عالىمدار ىشىمدىكتىڭ تەك جاقسى وقيعالاردى ەستە ساقتاۋعا كومەكتەسەتىنىن انىقتادى

استانا. قازاقپارات - ا ق ش- تاعى براۋن ۋنيۆەرسيتەتىنىڭ نەيروبيولوگ ماماندارى ىشىمدىكتىڭ جامان ەستەلىكتەردەن قۇتىلۋعا كومەكتەسەتىنىن دالەلدەدى.

عالىمدار وعان ارنايى اۋقىمدى زەرتتەۋدىڭ ارقاسىندا كوز جەتكىزگەن دەپ جازادى segodnya.ua سايتىنا سىلتەمە جاساعان NUR. KZ.

زەرتتەۋ جۇمىسى شىبىندارعا جۇرگىزىلگەن. ادامداردا 100 ميلليارد بولاتىن نەيروندار سانى ولاردا تەك 100 مىڭدى قۇرايدى. سول سەبەپتى، شىبىندار عىلىمي جوباعا قولايلى زەرتتەۋ نىسانا بولىپ وتىر.

زەرتتەۋ بارىسىندا عالىمدار شىبىنداردى ىشىمدىكتى تابۋعا ۇيرەتىپ، ارتىنان وعان تاۋەلدى بولۋعا جاۋاپتى گەندەردى ءوشىرىپ تاستادى.

ناتيجەسىندە، ولاردىڭ اراسىندا ادام ميىنىڭ دامۋىنا ۇلەس قوساتىن گەننىڭ بار ەكەنى انىقتالدى. ونىڭ قۇرامىنداعى D-2 رەتسەپتورى بولسا ءوز كەزەگىندە ەستەلىكتىڭ جاقسى نە جامان تۇردە قابىلدانۋىنا جاۋاپ بەرەدى.

عالىمداردىڭ مالىمدەۋىنشە، ىشىمدىك ادامداردىڭ ەستەلىكتەردى قابىلداۋ جۇيەسىنىڭ جۇمىسىنا تىكەلەي اسەر ەتەدى. زەرتتەۋشىلەردىڭ ەسەپتەۋىنشە، شاراپتىڭ ءۇش ستاقانى ادامنىڭ ەستەلىكتى قابىلداۋىن ءبىر تاۋلىككە وزگەرتۋگە قاۋقارلى.

الايدا، ەستەلىكتەردىڭ قاي باعىتتا وزگەرۋىن ماماندار ناقتى ايتا المايدى. ءبىراق تا ىشىمدىك تاۋەلدىلىگىنە جۇرگىزىلگەن زەرتتەۋ جۇمىسى ەستەلىكتەردىڭ جاقسى جاققا وزگەرەتىنىن كورسەتكەن.