جەمقورلىققا قارسى اگەنتتىك پويىز بيلەتى الىپساتارلارىمەن قالاي كۇرەسپەك
«اگەنتتىك پەن «جولاۋشىلار تاسىمالى» ا ق اراسىنداعى كەلىسىم اياسىندا قۇرىلعان «ادال جول» جوبالىق كەڭسەسى قازىرگى ۋاقىتتا تەمىر جول بيلەتتەرىن الىپساتارلاردىڭ ارەكەتىن جويۋعا باعىتتالعان جۇمىستار جۇرگىزىپ جاتىر. الىپساتارلار ءتۇرلى، ونىڭ ىشىندە بيلەت تاپشىلىعى ورىن الاتىن باعىتتارعا دا ارنالعان بيلەتتەردىڭ ءبىر بولىگىن الدىن الا ساتىپ الىپ، ودان كەيىن ونى جوعارى باعا ساتادى دەگەن بولجام بار»، - دەدى ول.
ونىڭ ايتۋىنشا، الىپساتارلاردىڭ مۇنداي ارەكەتتەرى ەلىمىزدىڭ بارلىق وڭىرلەرىندە ارنايى جۇرگىزىلگەن تەكسەرۋ شارالارى بارىسىندا انىقتالعان.
«ءتىپتى برونداۋ جۇيەسىنىڭ ءوزى بيلەتتەردى ەركىن ساتىلىمنان شىعارىپ، كولەڭكەلى ساتىلىمعا شىعارۋعا مۇمكىنشىلىك بەرەدى دەپ ەسەپتەيمىز»، - دەدى اگەنتتىك وكىلى.
باسقارما باسشىسىنىڭ سوزىنە قاراعاندا، بۇل ماسەلەنى جان-جاقتى تالقىلاۋ ءۇشىن جوبالىق توپ قۇرىلعان. اتالعان توپ بيلەتتەردى الاياقتىق جولمەن ساتۋعا، ادامي فاكتوردىڭ ارالاسۋىنا جول بەرمەيتىن زاماناۋي باعدارلامالىق ءونىم جاساپ شىعارۋعا ۇسىنىس بەرۋى ءتيىس.