ءداستۇرلى ەمەس مەديتسينا نارىعىن تارتىپكە كەلتىرۋ قاجەت - دەپۋتات

استانا. قازاقپارات - ق ر پارلامەنتى ءماجىلىسىنىڭ دەپۋتاتى احمەد مۋرادوۆ ءداستۇرلى ەمەس مەديتسينا نارىعىن تارتىپكە كەلتىرۋ قاجەت دەپ ەسەپتەيدى.

بۇل تۋرالى ول بۇگىن تومەنگى پالاتانىڭ جالپى وتىرىسىندا ايتتى، دەپ حابارلايدى قازاقپارات ءتىلشىسى.

«ەلىمىزدە ءداستۇرلى ەمەس مەديتسينا نارىعى وتە ۇلكەن. وعان قىتاي، يسلام، قاسيەتتى سۋ، ەمدىك باتپاق سىندى مەديتسينا كىرەدى. ول جەرلەردە ەمدەلگەن ادامدارمەن دە كەزدەستىم. ول جاقتا نە باقىلاۋ، نە نورمالاۋ نە باسقارۋ جوق. قارجى اينالىمى قانداي ەكەندىگىن ۇسىناتىن بىرەۋ بار ما الدە جوق پا؟ ءبىراق، وتە قىمبات تولەم جاسايدى. ناتيجەلەرى دە سوراقى بولاتىن جاعداي ءجيى كەزدەسەدى. جاعدايى ناشارلاعاندا عانا كەپىلدەندىرىلگەن مەديتسيناعا جۇگىنەدى»، - دەدى احمەد مۋرادوۆ.

ونىڭ اتاپ وتۋىنشە، بۇل سالادا باقىلاۋ مۇلدەم جوق جانە مۇنداي «ەمشىلەردىڭ» سانى قانشا ەكەندىگىن دە ەشكىم بىلمەيدى. سوندىقتان دا بۇل سالانى سايكەسىنشە مەملەكەتتىك ورگاندار، ونىڭ ىشىندە دەنساۋلىق ساقتاۋ مينيسترلىگى باقىلاۋعا الۋى ءتيىس.

«بۇل ماسەلەنى دەنساۋلىق ساقتاۋ مينيسترلىگى قاپەرگە الۋى قاجەت. رەسمي مەديتسينامەن سوتتاسۋعا بولادى، ول ولارمەن ءمان- جايدى انىقتاي دا المايسىڭ. مۇنى قالاي دەگەندە زەردەلەۋ قاجەت جانە قاجەت بولسا بۇكىل قوعامدى جۇمىلدىرعان ءجون»، - دەدى ءماجىلىس دەپۋتاتى.

اۆتور: مارلان جيەمباي