ماڭعىستاۋ وبلىسى اكىمىنىڭ ورىنباسارى ۇستالدى: شەنەۋنىك نەدەن جازىقتى بولدى
بۇل تۋرالى بۇگىن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى جاننا باستاروۆا ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا، 2018 -جىلعى 3 - قاراشادا سىبايلاس جەمقورلىققا قارسى ءىس- قيمىل ۇلتتىق بيۋروسىمەن جەدەل ىزدەستىرۋ شارالارىن جۇرگىزۋ بارىسىندا ماڭعىستاۋ وبلىسى اكىمىنىڭ ءبىرىنشى ورىنباسارى ۇستالدى.
«ول مەملەكەتتىك- جەكەشەلىك ارىپتەستىك اياسىندا ىسكە اسىرىلىپ جاتقان قۇنى 4,5 ميلليارد تەڭگەنى قۇرايتىن ينۆەستيتسيالىق جوبا بويىنشا جالپى قامقورلىعى ءۇشىن قۇرىلىس كومپانياسى وكىلىنەن كەلىسىلگەن 400 مىڭ ەۋرو پارا سوماسى بولىگىنىڭ 115 مىڭ ەۋروسىن الدى دەپ كۇدىكتەلۋدە»، - دەدى جاننا باستاروۆا.
رەسمي وكىل اقتاۋ قالاسىنىڭ مامانداندىرىلعان تەرگەۋ سوتىمەن كۇدىكتىگە قاتىستى قاماۋدا ۇستاۋ تۇرىندەگى بۇلتارتپاۋ شاراسى سانكسيالانعانىن اتاپ ءوتتى.
«تەرگەۋ جالعاسۋدا»، - دەدى ول.
«سىبايلاس جەمقورلىققا قارسى ءىس- قيمىل ۇلتتىق بيۋرو قىزمەتكەرلەرى ونى 3 - قاراشا كۇنى ساعات 18.40 شاماسىندا اقتاۋ قالاسىنىڭ حالىقارالىق اۋەجايى اۋماعىندا ۇستادى. س. امانعاليەۆتان 115 مىڭ ەۋرو تابىلدى. فاكتى بويىنشا ق ر قىلمىستىق كودەكسىنىڭ 366-بابى 3-بولىگىمەن سوتقا دەيىنگى تەرگەۋ باستالدى»، - دەلىنگەن سوت اقپاراتىندا.
اۆتور: مارلان جيەمبايج