ق ر پرەزيدەنتى قازاقستاندىقتاردى تولعاندىراتىن ماسەلەلەردى اتادى
استانا. قازاقپارات - بۇگىن اقوردادا قاۋىپسىزدىك كەڭەسىنىڭ وتىرىسىندا مەملەكەت باسشىسى نۇرسۇلتان نازاربايەۆ قازاقستان حالقىن تولعاندىراتىن وزەكتى ماسەلەلەردى اتادى، دەپ حابارلايدى قازاقپارات.
«الەۋمەتتىك زەرتتەۋ قورىتىندىسى بەلگىلەنگەن التى پروبلەمانىڭ اراسىندا ءبىرىنشى ورىندا كوممۋنالدىق قىزمەتتەردىڭ جوعارى قۇنى تۇرعانىن كورسەتتى»، - دەدى ەلباسى.
مۇنىمەن قوسا، پرەزيدەنت قازاقستاندىقتاردى تولعاندىراتىن ماسەلەلەردىڭ ىشىندە قىمبات مەديتسينالىق قىزمەت كورسەتۋ مەن ءبىلىم بەرۋ، سونداي- اق ءبىلىم سالاسىنىڭ ساپاسى بار ەكەنىن اتاپ ءوتتى.
«وسىلاردىڭ بارلىعىن ءبىز زەردەلەۋىمىز كەرەك. جولداۋ اياسىندا حالىقتىڭ ءال- اۋقاتىن، ەڭ تومەنگى ەڭبەكاقىنى كوتەرەتىندىگىمىزدى، تۇرعىن ءۇي قۇرىلىسى تاقىرىبى، گاز تارتۋ باعىتى اتالىپ ءوتتى. وسى جۇمىستار ەلدىڭ ءال- اۋقاتىن كوتەرۋگە نەگىزدەلىپ وتىر»، - دەدى ن. نازاربايەۆ.
بۇدان بۇرىن حابارلانعانداي، جاقىندا ق ر باس پروكۋرورى قايرات قوجامجاروۆ كوممۋنالدىق تاريفتەر سالاسىنا جۇرگىزىلگەن تەكسەرۋدىڭ ناتيجەسىن جاريالادى.
«استاناەنەرگوسبىت» نەگىزسىز تاريفتىڭ ارقاسىندا ەلوردا تۇرعىندارىنان 2,6 ميلليارد تەڭگەگە ارتىق قارجى العانى ءمالىم بولدى.
اۆتور: رۋسلان عابباسوۆ