كوزدىڭ كورۋىن جاقسارتاتىن تاعامدار

 استانا. قازاقپارات - ادامنىڭ ەڭ باستى بايلىعى - دەنساۋلىق ەكەنىن ءبارىمىز جاقسى بىلەمىز. دەنى ساۋ ادام - تابيعاتتىڭ ەڭ قىمبات جەمىسى.

وسى ورايدا ءبىز سىزدەرگە ماڭىزدى مۇشەلەرىمىزدىڭ ءبىرى - كوز تۋرالى ايتقىمىز كەلىپ وتىر. كوز - ادامداردىڭ اينالاداعى نارسەلەردى كورۋىنە مۇمكىندىك بەرەتىن ەنەرگياسى. كورۋ مۇشەسى ارقىلى ءبىز قورشاعان الەمدى تانيمىز.

تەمەكىدەن باس تارتىپ، كومپيۋتەردىڭ الدىندا ۇزاق ۋاقىت وتىرماۋدىڭ ءوزى كوزىمىزدى كوپتەگەن اۋرۋدان ساقتاپ قالادى. جانە كۇن كوزىنە قارسى كيەتىن كوزىلدىرىگىمىزدى مىندەتتى تۇردە تەكسەرىپ الۋىمىز كەرەك. ويتكەنى ونىڭ دا كەرى اسەرى كوپ. ال ەڭ باستىسى دۇرىس تاماقتانۋىمىز قاجەت. نازارلارىڭىزعا كوز كۇتىمىنە پايدالى تاعامداردى ۇسىنامىز.

جۇمىرتقانىڭ سارى ۋىزى

جۇمىرتقا ەمدىك تاعامدار قاتارىنا جاتادى. ال ونىڭ قۇندى بولىگىنىڭ ءبىرى - سارى ۋىزى. ونى ەڭ زياندى ونىمدەردىڭ ءبىرى دەيتىندەر دە بار. ءبىراق دارىگەر پول دوگەرتي ول تۇجىرىمدى تەرىسكە شىعاردى. جۇمىرتقانىڭ سارى ۋىزى ليۋتەيننىڭ قاينار كوزى. بۇل انتيوكسيدانت بوس راديكالدارمەن كۇرەسەدى. كوبىنە بۇل اۋرۋعا جاسى 65-تەن اسقان ادامدار دۋشار بولادى. ولارعا جۇمىرتقانىڭ سارى ۋىزىن شيكى كۇيىندە جەگەن دۇرىس.

وسىمدىكتەر

قانداي تاعام جاساساق تا وسىمدىكتەردى قوسۋدى ۇمىتپايىق. ولاردىڭ قۇرامىندا ليۋتەين وتە كوپ. سوندىقتان كوز اۋرۋلارىنىڭ الدىن الادى.

مايلى بالىقتار

لوسوس، سكۋمبريا، تۋنەتس، انچوۋس سىندى بالىقتاردىڭ ءدامى دە ءتاتتى، پايداسى دا مول. ولاردىڭ قۇرامىندا مايلى قىشقىلدار وتە كوپ. ال ول قىشقىلدار ءبىزدىڭ كورۋ كلەتكالارىمىزدى جاقسارتادى.

سيترۋستى جەمىس-جيدەكتەر

سيترۋستى جەمىس- جيدەكتەردى ءبىزدىڭ كوزىمىزگە پايدالى دەپ ەسەپتەيدى. ويتكەنى ولاردىڭ قۇرامىندا دارۋمەندەردىڭ بارلىق ءتۇرى كەزدەسەدى. ا دارۋمەنى كوزدىڭ كورۋىنىڭ ناشارلاۋىنان، ونىڭ ساۋلە سىندىرۋ كۇشىنىڭ اقاۋلارىنان قورعايدى. س دارۋمەنى كوز ىشىندەگى قىسىمنىڭ كوتەرىلۋىنە جول بەرمەيدى. ە دارۋمەنى كاتاراكتاعا قارسى كۇرەسەدى. سەبەبى كاتاراكتا كەزىندە ساۋلەنىڭ كوز بۇرشاعىنا ءوتۋى قيىندايدى، كوزدىڭ كورۋى ناشارلايدى. سوندىقتان ءتسيترۋستى جەمىس- جيدەكتەردىڭ كوز اۋرۋلارىنا قارسى كومەگى كوپ.

ءسابىز

ءسابىز جالپى ادام دەنساۋلىعىنا پايدالى كوكونىس. ول كوزدىڭ كورۋىن جاقسارتادى. ويتكەنى قۇرامىندا ليۋتەين مەن بەتا- كاروتين بار. ال بەتا- كاروتيننىڭ قۇرامىنداعى دارۋمەندەر كوزگە مول اسەرىن تيگىزەدى.

ميندال

ميندال باسقا دا جاڭعاقتار سەكىلدى دارۋمەندەرگە باي. جوعارىدا ايتقانداي دارۋمەندەر كاتاراكتادان قۇتقارادى. كۇندەلىكتى ميندال جەپ تۇرساڭىز، «ە» دارۋمەنىمەن قۇنارلاناسىز.

 دەرەككوزى: «پ ت» توپتاماسىنان