14:14, 07 - قاراشا 2018 | GMT +5
ا ق ش كونگرەسى تاريحىنداعى ەڭ جاس ايەل دەپۋتات سايلاندى
ۆاشينگتون. قازاقپارات - دەموكراتتار پارتياسىنىڭ مۇشەسى الەكساندريا وكاسيو-كورتەس ا ق ش كونگرەسىنە سايلانعان ەڭ جاس ايەل بولدى، دەپ حابارلايدى «قازاقپارات» ح ا ا CNN- گە سىلتەمە جاساپ.
29 جاستاعى وكاسيو-كورتەس وكىلدەر پالاتاسىنا نيۋ-يورك شتاتى وكرۋگتەرىنىڭ بىرىنەن سايلانعان. بۇرىنعى «رەكورد» ونىڭ پارتيالاسى 30 جاسىندا كونگرەسس مۇشەسى بولعان ەليس ستەفانيككە تيەسىلى ەدى.
وكاسيو-كورتەس ا ق ش كونگرەسىنە بيىلعى ارالىق سايلاۋدا ەل نازارىن اۋدارعان جالعىز ايەل ەمەس. USA Today حابارىنا سۇيەنسەك، دەموكراتتار - يلحان ومار مەن راشيدا تلايب ا ق ش كونگرەسىندەگى العاشقى مۇسىلمان ايەلدەر اتانعان.