وليمپيادا جۇلدەگەرى قازالىنىڭ قۇرمەتتى ازاماتى اتاندى

قازالى. قازاقپارات - لوندوندا وتكەن 2012 جازعى وليمپيادا ويىندارىنىڭ قولا مەدال يەگەرى مارينا ۆولنوۆاعا «قازالى اۋدانىنىڭ قۇرمەتتى ازاماتى» اتاعى بەرىلدى، دەپ حابارلايدى قازاقپارات ءتىلشىسى.

قازالى اۋدانىنىڭ اكىمى مۇرات ەرگەشبايەۆ قازاقستان رەسپۋبليكاسىنىڭ ەڭبەگى سىڭگەن سپورت شەبەرى، بوكسشى مارينا ۆولنوۆانى قابىلداپ، «قازالى اۋدانىنىڭ قۇرمەتتى ازاماتى» اتاعىن تابىستادى.

ءوز كەزەگىندە، بوكسشى قىز ەل اعالارىنا شىنايى ريزاشىلىعىن ايتىپ، الداعى ۋاقىتتا دا ەل سەنىمىن اقتاۋعا بار كۇش-جىگەرىن سالاتىنىن جەتكىزدى.

ايتا كەتەيىك، ماريا ۆولنوۆا 1989-جىلى قازالى قالاسىندا دۇنيەگە كەلگەن. التى جاسىنان بوكسپەن اينالىسقان. 2005-2006-جىلدارى قازالى قالاسىنداعى بالالار مەن جاس وسپىرىمدەر سپورت مەكتەبىندە دزيۋدو كۇرەسىنەن جاتتىققان.

لوندوندا وتكەن 2012 جازعى وليمپيادا ويىندارىنىڭ قولا مەدال يەگەرى. بوكستان ازيانىڭ (2010) چەمپيونى، الەم چەمپيوناتىنىڭ (2010) كۇمىس مەدال يەگەرى، قازاقستان چەمپيوناتىنىڭ ءتورت دۇركىن جەڭىمپازى.