لوندون ورتالىعىندا ديماشتىڭ شوۋى جارنامالانۋدا

استانا. قازاقپارات - لوندون ورتالىعىنداعى ەكرانداردا قازاقستاندىق ءانشى ديماش قۇدايبەرگەننىڭ كونسەرتىن جارنامالانىپ جاتىر، دەپ حابارلايدى قازاقپارات.

«جاساسىن! لوندوندا، قالانىڭ ورتالىعىندا ديماش قۇدايبەرگەننىڭ وسى جىلدىڭ 19- قاراشاسىندا وتەتىن جەكە كونسەرتىنىڭ جارناماسى شىقتى»، - دەپ جازادى ءانشىنىڭ پولياك فان-كلۋبىنىڭ وكىلى تەرەزا كونكول ينستاگرامداعى پاراقشاسىندا.

ەسكە سالا كەتەيىك، 19- قاراشا كۇنى لونداعى ايگىلى «Royal Festival Hall» زالىندا قازاقستاننىڭ ۇلى بريتانياداعى مادەنيەت كۇندەرى اياسىندا ديماش قۇدايبەرگەننىڭ جەكە كونسەرتى بولادى.

شارا ق ر مادەنيەت جانە سپورت مينيسترلىگىنىڭ جانە قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا بىرىككەن كورولدىگىندەگى ەلشىلىگىنىڭ قولداۋىمەن وتكىزىلمەك. كونسەرتتەن جينالعان قاراجات قازاقستانداعى جاس دارىن يەلەرىن قولداۋعا جىبەرىلەدى.