قازاقستاندىق اۋىر اتلەت الەم چەمپيوناتىنىڭ قولا جۇلدەگەرى اتاندى

استانا. قازاقپارات - اشحابادتا اۋىر اتلەتيكادان ءوتىپ جاتقان الەم چەمپيوناتىندا قازاقستاندىق نادەجدا ليحاچيەۆا قولا جۇلدەگەر اتاندى، دەپ حابارلايدى قازاقپارات ءتىلشىسى.

ن. ليحاچيەۆا 71 كەلى سالماقتا قوسسايىس قورىتىندىسىندا 242 كەلى (112+130) ناتيجە كورسەتىپ، ۇزدىك ۇشتىكتى تۇيىندەدى.

بۇل سالماقتا قىتايلىق ۆان لي چجان الەم رەكوردىن جاڭارتىپ، 267 كەلى (115-152) كورسەتكىشپەن التىن مەدالدى جەڭىپ الدى. مىسىرلىق سارا احمەد 252 كەلىمەن (111+141) ەكىنشى ورىندا.

اۋىر اتلەتيكادان قازاقستان قۇراماسىنىڭ باس باپكەرى يۋري مەلنيكوۆ 23 جاسار ن. ليحاچيەۆانىڭ وسىناۋ تابىسىن ەسەلەي تۇسە الاتىن مۇمكىندىگى بار ەكەنىن جەتكىزدى. 71 كەلى وليمپيادا باعدارلاماسىنا ەنبەيدى. سوندىقتان نادەجدانى توكيو وليمپياداسىنا 64 كەلى سالماقتا دايىنداۋ كوزدەلۋدە.

ايتا كەتەيىك، بۇل - قازاقستان قۇراماسىنىڭ اشحابادتاعى ەكىنشى مەدالى. بۇعان دەيىن ارلي چونتەي 55 كەلى سالماقتا كۇمىس جۇلدەنى ەنشىلەگەن بولاتىن.