جاس وسپىرىمدەر كامەلەتكە تولماعاندارعا ارنالعان كولونيانى باسىپ الدى

استانا. قازاقپارات - اۆسترالياداعى كامەلەتكە تولماعاندارعا ارنالعان ورتالىقتا جاس وسپىرىمدەر قىزمەت كورسەتۋشىلەرگە شابۋىل جاساپ، عيماراتتى باسىپ الدى.

بۇل تۋرالى Sky News حابارلايدى.

تەلەارنانىڭ حابارلاۋىنشا، قاماۋدا وتىرعان جاس وسپىرىمدەر بۇكىل عيماراتتى باسىپ العان. ولار پىشاق جانە تەز تۇتاناتىن زاتتارمەن قارۋلانعان. مەكەمەنىڭ ەكى قىزمەتكەرى شابۋىل بارىسىندا زارداپ شەكتى.

بۇقارالىق اقپارات قۇرالدارىندا ورتالىقتان ۇرىس-كەرىس، جانجالدىڭ داۋسى شىعىپ جاتقانى ايتىلعان.

SBS تەلەارناسىنىڭ حابارلاۋىنشا، وقيعا ورنىندا كەمىندە 15 پوليتسيا كولىگى جۇمىس ىستەپ جاتىر. سونداي-اق سۋرەتتەردە ورتالىقتان ءتۇتىننىڭ شىعىپ جاتقانى دا ايقىن كورىنىپ تۇر.