تاس جولدا قاراما-قارسى ءجۇرىپ، جۇرگىزۋشى قۇقىعىنان ايىرىلدى

الماتى. قازاقپارات - الماتىدا ءال-فارابي داڭعىلىمەن قاراما-قارسى جۇرگەن اكىم قۋانىشقا كولىك تىزگىندەۋگە تىيىم سالىندى.

اكىمشىلىك ىستەر بويىنشا مامانداندىرىلعان اۋدانارالىق سوتى وسىنداي شەشىم شىعاردى، دەپ حابارلايدى قازاقپارات ءتىلشىسى.

قالالىق سوتتىڭ باسپا ءسوز قىزمەتى حابارلاعانداي، 22 -قازاندا تۇنگى 23.30 شاماسىندا «مەرسەدەس» تىزگىندەگەن اكىم قۋانىش ءال-فارابي داڭعىلى مەن نازاربايەۆ داڭعىلىندا جول اعىنىنا كەرى باعىتتا جۇرگەن.

جاۋاپسىز جۇرگىزۋشى قاتاردان قاتارعا اۋىسقاندا، وزگە كولىكتەردى جولدان ىعىستىرىپ، اپاتتىق احۋال تۋعىزعان.

سوت باستالعالى بەرى سوتتالۋشى وتىرىسقا ەكى رەت كەلەم دەپ ۋادە بەرىپ، توبە كورسەتپەگەن.

سوت اكىم قۋانىشتى ق ر ا ق ب ك 596-بابىنىڭ 3-بولىمىمەن، 606-بابىنىڭ 2-بولىمىمەن ايىپتى دەپ تاۋىپ، 1 جىلعا جۇرگىزۋشى قۇقىعىنان ايىرۋ تۋرالى ۇكىم شىعاردى.

ايتا كەتۋ كەرەك، الماتىلىق اكىم قۋانىش بيىل مامىر ايىندا ق ر ا ق ب ك 606-بابىنىڭ 2-بولىمىمەن اكىمشىلىك جاۋاپكەرشىلىككە تارتىلعان بولاتىن.

مۇنىڭ الدىندا الماتى تۇرعىنى نازار روللان جول ەرەجەسىن ورەسكەل بۇزىپ، الەۋمەتتىك جەلىنى شۋلاتقان بولاتىن.

ول ءال-فارابي جانە مۇستافين كوشەلەرىنىڭ بويىنشا جول ءجۇرۋ ءتارتىبىن بۇزىپ، قاراما- قارسى باعىتتا جۇرگەن.

سونداي-اق، ءوزىنىڭ ارەكەتىن ينستاگرام جەلىسىندە جاريالاعان بولاتىن.

نازار روللان اكىمشىلىك كودەكستىڭ بەس بابى بويىنشا تارتىپتىك جازاعا تارتىلسا دا، ودان قورىتىندى شىعارعان جوق. سوندىقتان، الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن بۇزاقىلىق ءىسى بويىنشا ونى 7 تاۋلىككە قاماۋعا الدى.

كەيىن الماتى پوليتسياسى ينتەرنەت پابليكتەرىنىڭ جۇمىسىن باقىلاۋ توبىن قۇردى.

ولار «Instagram» جەلىسىندەگى «Nelegal.kaz» پابليگىن ءجىتى باقىلاۋعا الدى. مۇندا جازىلۋشىلار جول ەرەجەسىن بۇزعان ساتتەرىن سۋرەتىن، ۆيدەوسىن جىبەرەدى. 174 جاريالانىمنىڭ ىشىندە 85 ۆيدەو مەن 89 فوتو ءجىتى قارالدى. ولاردىڭ 11 ى بويىنشا اكىمشىلىك حاتتاما جاسالادى. 6 وقيعا الماتىدا بولعان، ونىڭ 5 ۋى بويىنشا حاتتاما تولتىرىلدى. قالعاندارى بويىنشا جۇمىس جۇرگىزىلىپ جاتىر.