قازاقستاننىڭ ۇزدىك كۇيشىلەرى قاراعاندىدا باس قوسادى

قاراعاندى. قازاقپارات - كۇي شەبەرلەرى مەن مۋزىكا سالاسىنىڭ ساراپشىلارى قاراعاندىعا جينالادى.

كورەرمەندەر شەرتپە كۇيدىڭ ناعىز دۇلدۇلدەرىنىڭ ونەرىمەن سۋسىنداۋ مۇمكىندىگىنە يە بولماق، دەپ حابارلايدى قازاقپارات ءتىلشىسى.

ءوڭىردىڭ مادەنيەت، ارحيۆتەر جانە قۇجاتتامالار باسقارماسى باسپا ءسوز قىزمەتىنىڭ مالىمەتىنشە، شارادا ۇزدىك كۇيشىلەر، سارابدال ماماندار مەن ساراپشىلار باس قوسادى. قاراعاندى تۇرعىندارى مەن قالا قوناقتارى قالاق دومبىرانىڭ اۋەنىنەن سۋسىندايدى.

قازىلار القاسى حالىق مۋزىكاسىنىڭ تانىمال وكىلدەرىنەن قۇرالادى.

7-9 -قاراشا كۇندەرى وتەتىن تاتتىمبەت اتىنداعى VII رەسپۋبليكالىق بايقاۋدا كۇيشىلەر قازاقتىڭ دومبىرا، قوبىز، قىلقوبىز سەكىلدى مۋزىكالىق اسپاپتارىنىڭ اۋەنىمەن ونەرسۇيەر قاۋىمدى ءتانتى ەتپەك.

بۇدان تىس، الداعى بايقاۋ كۇيدىڭ الۋان ءتۇرلى باعىتتارىن ناسيحاتتايتىن بارلىق مەكتەپتەردىڭ باسىن قوسادى.