ا ق ش اسكەريلەرى: رەسەي جويعىش ۇشاعى قاۋىپتى مانيەۆر جاسادى
ۆەدومستۆو رەسەيلىك ۇشقىش ا ق ش ۇشاعىنىڭ ەكيپاجىنا ادەيى قاۋىپ توندىرگەنىن ايتادى. رەسەي ۇشاعى امەريكالىق ۇشاققا ەكى رەت جاقىن كەلگەن ءارى ەكىنشى رەت جاقىنداعاندا جىلدامدىقتى ارتتىرىپ، امەريكالىق ۇشقىشتارعا قولايسىزدىق تۋدىرعان. رەسەي قورعانىس مينيسترلىگى سۋ-27 ۇشاعىنىڭ «بارلىق ءتيىستى قاۋىپسىزدىك شارالارىن» بۇلجىتپاي ورىنداعانىن ايتادى.
3- قاراشا كۇنى رەسەيدىڭ پاترۋل جاسايتىن جانە بارلايتىن تۋ-142 ۇشاعى نورۆەگيا جاعالاۋىندا ناتو اسكەري جاتتىعۋىنا قاتىسىپ جاتقان ا ق ش فلوتىنىڭ Mount Whitney كەمەسى ۇستىنەن تىم جاقىن ۇشىپ وتكەن.
سوڭعى جىلدارى قارا تەڭىز، بالتىق تەڭىزى مەن سيريادا رەسەي مەن ناتو ۇشاقتارى بىرنەشە رەت ءبىر- بىرىنە جاقىن ۇشقان. ا ق ش اسكەري قولباسشىلىعى رەسەي ۇشاقتارىنىڭ اليانس ەلدەرى اسكەري ۇشاقتارىنا جاقىن ۇشقاندا قاۋىپتى مانيەۆرلەر جاسايتىنىنا الاڭدايتىنىن تالاي رەت مالىمدەگەن.
www.azattyq.org