ءوز اعاسى مەن ايەلىن توسەكتە كورگەن ازامات ەكەۋىن دە اتىپ ءولتىردى

استانا. قازاقپارات - 54 جاستاعى ۋفا تۇرعىنى ايەلى مەن تۋعان اعاسىن توسەكتە كورىپ، اشۋ-ىزادان ەكەۋىن دە ءوز ۇيىندە اتىپ تاستاعان دەپ حابارلايدى Oxu.Az سايتى.

3- قاراشا كۇنى 65 جاستاعى ازامات ءىنىسى مەن كەلىنىنىڭ ۇيىنە قوناققا كەلەدى. ولار ۇستەل باسىندا ءبىراز وتىرىپ، ىشىمدىك ىشكەن سوڭ ۇيىقتاپ قالادى.

ءتۇن ورتاسىندا ءۇي يەسى تۇرىپ، كورشى بولمەگە بارعان. وندا ازامات ءوز ايەلى مەن اعاسىن ءبىر توسەكتەن كورىپ، ۇيىندەگى اڭشىلىق مىلتىقپەن ەكەۋىن دە جايراتىپ سالادى.

كۇدىكتى الدىمەن ايەلىنىڭ باسىنان، سودان كەيىن اعاسىنا وق اتقان ەكەن.

سودان كەيىن پوليتسيانى ءوزى شاقىرىپ، ەكى ادامدى ولتىرگەنىن مويىنداپتى.