قازاقستان يلون ماسك زىمىرانىمەن جەرسەرىك ۇشىرادى
بۇل تۋرالى بۇگىن «Digital Bridge» حالىقارالىق يننوۆاتسيالىق فورۋمىندا ق ر قورعانىس جانە اەروعارىش ونەركاسىبى ۆيتسە-ءمينيسترى مارات نۇرعوجين ايتتى، دەپ حابارلايدى قازاقپارات ءتىلشىسى.
«عارىش عىلىمى ءبىر ورنىندا تۇرمايدى. ءبىزدىڭ ينستيتۋتتار جەردە عارىشتىق تەحنولوگيالاردى پايدالانۋعا مۇمكىندىك بەرەتىن عارىشتىق بايلانىس، جەرسەرىكتىك ناۆيگاتسيا سىندى كوپتەگەن بايىپتى قۇرىلعىلار ازىرلەۋدە. اعىمداعى جىلى ءبىز سالماعى 6 تونناعا دەيىن جەتەتىن عارىش اپپاراتىنىڭ قۇراستىرۋ-سىناۋ كەشەنىنىڭ قۇرىلىسىن اياقتايتىندىعىمىزدى اتاپ وتكىم كەلەدى»، - دەدى ول فورۋمنىڭ «عارىشتىق يننوۆاتسيانىڭ الەمدىك ارەناسىنداعى قازاقستاننىڭ الەۋەتى» اتتى سەسسياسىندا.
وسى رەتتە ۆيتسە-مينيستر وتكەن جىلى قازاقستان ارنايى كونسترۋكتورلىق-تەحنولوگيالىق بيۋرونى ىسكە قوسقانىن اتاپ ءوتتى. قازاقستاندىق 150 دەن استام ينجەنەردىڭ ەۋروپا، ۇلى بريتانيا جانە رەسەيدىڭ زاۋىتتارىندا تاعلىمدامادان وتكەنىن ايتتى.
«ولار قازاقستاندا جۇمىس ىستەۋدە جانە ءبىز ءوزىمىزدىڭ عىلىمي-تەحنولوگيالىق ماقساتتاعى ءۇشىنشى عارىشتىق جۇيەمىزدى قۇردىق. ەگەر بارلىعى دا دۇرىس بولسا، وندا 19-قاراشادا كاليفورنيادا Falcon 9 عارىش تاسىمالدىعىشىمەن 2 جەرسەرىگىن ۇشىرامىز. جانە دە ينجەنەرلەرىمىز بەن كونسترۋكتورلارىمىزدىڭ بارلىق ازىرلەمەسىن عارىشتا اپروباتسيالايمىز. ياعني، ولار ۇشۋ تاجىريبەسىن الادى جانە كوممەرتسياليزاتسيالاۋعا جانە مەنشىكتى جەرسەرىكتى وسى جەردە قۇرۋعا مۇمكىندىك بەرەدى. بۇل ەڭ الدىمەن قولدانىستاعى اپپاراتتىڭ ورنىن باساتىن بايلانىس جەرسەرىگى بولادى»، - دەدى مارات نۇرعوجين.
ايتا كەتەيىك، فورۋمنىڭ سيفرلىق ەكونوميكانى دامىتۋدىڭ جاھاندىق ترەندتەرى تالقىلانعان جالپى وتىرىسىنا قاتىسقان پرەمەر-مينيستر «Digital Bridge» ۇلكەن بايلانىستار جاسالاتىن الاڭعا اينالاتىندىعىن، قازاقستان تەك قانا سيفرلىق كۇن تارتىپپەن ءومىر ءسۇرىپ جاتقانىن ايتقان ەدى.
Digital Bridge - قازاقستانداعى بيىلعى جىلى ءوتىپ وتىرعان باستى يننوۆاتسيالىق وقيعا.
قاتىسۋشىلار فورۋمنىڭ ديالوگتىك الاڭىندا سيفرلاندىرۋ سالاسىنداعى سوڭعى الەمدىك ترەندتەردى تالقىلاپ، الدىڭعى قاتارلى تاجىريبەلەرمەن جانە بيزنەس-مودەلدەرمەن ءبولىستى. Digital Bridge فورۋمى سيفرلىق ترانسفورماتسيا، ەلەكتروندىق ۇكىمەت، تەحنولوگيالىق كاسىپكەرلىك جانە 4-ونەركاسىپتىك ريەۆوليۋتسيا يدەيالارىن ىلگەرىلەتۋگە ارنالعان ەۋروپا مەن ازيا ەلدەرىنىڭ اراسىنداعى ديالوگتىك الاڭدى قۇرايتىن جىل سايىنعى ءىس-شارا بولادى دەپ كوزدەلۋدە.