جاستاردىڭ قازاقستاندىق ءونىم شىعارۋىنا بوگەت بولماۋ قاجەت - ساعىنتايەۆ
بۇل تۋرالى بۇگىن «Digital Bridge» حالىقارالىق يننوۆاتسيالىق فورۋمدا ق ر پرەمەر-ءمينيسترى باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.
«قازاقستان حالقىنىڭ 50 پايىزى - تاۋەلسىزدىك جىلدارىندا دۇنيەگە كەلگەن ادامدار. جاقىندا، 16- جەلتوقساندا قازاقستان تاۋەلسىزدىگىنە 27 جىل تولادى. بوب دورف: «جاستار ەلدىڭ بولاشاعى. ولار وسى جەردە قالۋى، ءوز ەلدەرىنە ورالۋى ءتيىس. ال ءبىز، اعا بۋىن وكىلدەرى ولار ءۇشىن بارلىعىن دايىنداۋعا ءتيىسپىز» دەگەن ەدى. ولار ەشقايدا كەتكەن جوق. ولار وزدەرى ءومىر سۇرگىسى كەلەتىن ەلدى، گۇلدەنگەن، سيفرلاندىرعان قازاقستاندى جاساپ جاتىر. مەنىڭشە، ءبىزدىڭ مىندەتىمىز ولارعا بوگەت بولماي بارلىق جاعدايلارىن جاساۋ. ۇكىمەتتىڭ، پارلامەنتتىڭ بۇكىل ساياساتى زاڭنامالىق بازا ازىرلەپ، ولاردىڭ ويلاعان دۇنيەلەرىن جاساۋعا مۇمكىندىك بەرۋ»، - دەدى باقىتجان ساعىنتايەۆ.
سونىمەن قاتار ۇكىمەت باسشىسى جاس بيزنەسمەندەرگە ءوز ونىمدەرىن جاساۋعا زور تابىستار تىلەدى.
«ءبىز قازاقستاندا جاسالعان ءونىمنىڭ بولعانىن، كەيىن قازاقستاندا جاسالعان جاعدايدىڭ ارقاسىندا دەپ ايتقانىن قالايمىز. بارلىق جاستارعا تابىس تىلەيمىن. بۇل باستاماسى عانا. مەنىڭشە، ءجيى كەزدەسىپ، تالقىلاپ وتىرامىز دەپ ويلايمىن. كەلەسى جىلى ءبىز شىن مانىندە قازاقستاندا مۇلدەم باسقا دەڭگەيدە كورەتىن بولامىز»، - دەدى پرەمەر-مينيستر.
ايتا كەتەيىك، فورۋمنىڭ سيفرلىق ەكونوميكانى دامىتۋدىڭ جاھاندىق ترەندتەرى تالقىلانعان جالپى وتىرىسىنا قاتىسقان پرەمەر-مينيستر «Digital Bridge» ۇلكەن بايلانىستار جاسالاتىن الاڭعا اينالاتىندىعىن، قازاقستان تەك قانا سيفرلىق كۇن تارتىپپەن ءومىر ءسۇرىپ جاتقانىن ايتقان ەدى.
Digital Bridge - قازاقستانداعى بيىلعى جىلى ءوتىپ وتىرعان باستى يننوۆاتسيالىق وقيعا.
