قازاقستاندىق عارىش اپپاراتى اۋىستىرىلادى

استانا. قازاقپارات - «KazSat-2»   عارىش اپپاراتىن جوسپارلى اۋىستىرۋعا ارنالعان «KazSat-2R» عارىشتىق جۇيەسىن قۇرۋ بويىنشا قارجىلىق- ەكونوميكالىق نەگىزدەمە جانە تەحنيكالىق تاپسىرما ازىرلەۋدە.

 بۇل تۋرالى ق ر قورعانىس جانە ايەروعارىش ونەركاسىبى مينيسترلىگىنىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

 «ق ر قورعانىس جانە ايەروعارىش ونەركاسىبى مينيسترلىگىنىڭ «سيفرلىق قازاقستان» مەملەكەتتىك باعدارلاماسى اياسىندا ىسكە اسىرىلاتىن پەرسپەكتيۆالىق جوبالارىنىڭ ءبىرى - ول «KazSat-2» عارىش اپپاراتىن جوسپارلى اۋىستىرۋعا ارنالعان «KazSat-2R» عارىشتىق بايلانىس جۇيەسىن قۇرۋ جانە پايدالانۋعا بەرۋ» جوباسى بولىپ تابىلادى.

قازاقستان رەسپۋبليكاسى ءۇشىن مەنشىكتى بايلانىس جانە حابار تاراتۋ عارىشتىق جۇيەسىن قۇرۋدىڭ جانە دامىتۋدىڭ ءىس جۇزىندەگى ماڭىزدى ءارى ستراتەگيالىق ءمانى بار. «KazSat» سەريالى عارىش اپپاراتتارىنىڭ رەسۋرستارى بازاسىنداعى سپۋتنيكتىك بايلانىس جەلىلەرى ەلدى قازىرگى زامانعى جانە ساپالى بايلانىس قىزمەتتەرىمەن 100 پايىز قامتۋمەن قاتار، قازاقستان رەسپۋبليكاسىنىڭ ۇلتتىق قاۋىپسىزدىگىن قامتاماسىز ەتۋ بويىنشا ماڭىزدى مىندەتتى ورىنداپ كەلەدى» ، - دەلىنگەن اتالعان ۆەدومستۆونىڭ مالىمەتىندە.

 

 بەلگىلى بولعانداي، «KazSat-2R» تەلەكوممۋنيكاتسيالىق سپۋتنيگىن ونى عا- نى پايدالانۋعا بەرگەن ساتتەن باستاپ 86,5° ش. ب پوزيتسياسىنداعى گ س و- دا ورنالاستىرا وتىرىپ، كەم دەگەندە 15 -جىل بەلسەندى جۇمىس ىستەۋ مەرزىمىمەن ىسكە اسىرۋ جوسپارلانىپ وتىر.

«KazSat-2» عا رەسۋرستارى «سيفرلىق قازاقستان» مەملەكەتتىك باعدارلاماسىن ىسكە اسىرۋ اۋقىمىندا سپۋتنيكتىك بايلانىستىڭ بەكىتىلگەن ارنالارىن ۇيىمداستىرۋ ءۇشىن قولدانىلاتىن بولادى. بۇل ءوز كەزەگىندە ينتەرنەتكە تەگىس كەڭجولاقتى قولجەتىمدىلىكتى، سونىڭ ىشىندە شالعايداعى اۋىلدىق ەلدى مەكەندەرىنىڭ قولجەتىمدىلىگىن قامتاماسىز ەتۋگە جول اشادى. سونداي- اق جاقىندا ورنالاسقان مەملەكەتتەرگە، ياعني تاجىكستاننىڭ، وزبەكستاننىڭ، قىرعىزستاننىڭ تۇتىنۋشىلارىنا (مەملەكەتتىك ورگاندار، كۇشتىك قۇرىلىمدار، كورپوراتيۆتىك جانە جەكە سەكتورلار) تەلەكوممۋنيكاتسيالىق قىزمەتتەردى بەرۋ ماقساتى دا كوزدەلىپ وتىر»، - دەپ اتاپ وتىلەن مينيسترىك حابارلاماسىندا.

 2016 -جىلى «ر ع بو» اق جوبانى ىسكە اسىرۋعا كىرىستى. كومپانيانىڭ ماماندارى ينۆەستيتسيالىق ۇسىنىس ازىرلەدى، ونى ق ر ۇلتتىق ەكونوميكا مينيسترلىگى ماقۇلدادى. قازىرگى كەزدە «ر ع ب و» اق «KazSat-2» عارىش اپپاراتىن جوسپارلى اۋىستىرۋ ءۇشىن «KazSat-2R»  عارىشتىق بايلانىس جۇيەسىن قۇرۋ جانە پايدالانۋعا بەرۋ بويىنشا قارجىلىق- ەكونوميكالىق نەگىزدەمە جانە تەحنيكالىق تاپسىرما ازىرلەۋدە.

قازىرگى ۋاقىتتا «KazSat-2» جانە  «KazSat-3» ۇلتتىق عارىش اپپاراتتارى ءساتتى جۇمىس ىستەپ تۇر، ولاردىڭ رەسۋرستارىن 15 سپۋتنيكتىك وپەراتور پايدالانۋدا، قازاقستاننىڭ بۇكىل اۋماعى بويىنشا سپۋتنيكتىك بايلانىستىڭ  11000 استام جەرءۇستى ستانسيالارى جۇمىس ىستەۋدە.

 بۇدان بۇرىن حابارلانعانداي، «KazSat-2R» سپۋتنيگىن قۇراستىرۋ شارالارى 2020 -جىلى باستالادى.

«KazSat-2» جەر سەرىگىنىڭ جۇمىس ۋاقىتى 2023 -جىلعا دەيىن نەگىزدەلگەن، ياعني ول 12,5 جىل قىزمەت ەتۋى ءتيىس (2011 -جىلى عارىشقا شىعارىلدى).

اۆتور: رۋسلان عابباسوۆ