جانىبەك ءالىمحان ۇلى امەريكالىق «جىرتقىشتى» تىزە بۇكتىردى
ايتا كەتەيىك، ول ەل- پاسوداعى بوكس كەشىندە (ا ق ش، تەحاس شتاتى) ونەر كورسەتىپ، ءوزىنىڭ قارسىلاسى امەريكالىق الەكساندەر ۆوندى (12-1, 8 ك و) ۋاقىتىنان بۇرىن جەڭدى. تورەشىلەردىڭ شەشىمىمەن جانىبەك ءالىمحان ۇلى جەڭىمپاز دەپ تانىلدى.
وسىلايشا، ونىڭ كاسىبي رينگتەگى ەسەبىندە 4 جەڭىس بار. ال الەكساندر بولسا ەكىنشى رەت جەڭىلىس تاۋىپ وتىر. وسى رەتتە ايتا كەتەتىن ماسەلە، جانىبەكتىڭ امەريكالىق قارسىلاسى الەكساندەر ۆون 2004 -جىلدىڭ سوڭىندا رەكورد ورناتىپ، الەمدەگى ەڭ تانىمال سپورتشىلاردىڭ ءبىرى بولعان. كەيىن ول قارۋلى توناۋ ارەكەتىنە قاتىسقانى ءۇشىن تۇرمەگە ءتۇسىپ، تەمىر توردىڭ ارعى جاعىندا 11 جىلىن وتكىزدى. 2016 -جىلى ول رينگكە قايتا ورالدى. وسىعان دەيىن جانىبەك ءالىمحان ۇلىنىڭ 11 جىل تۇرمەدە وتىرعان امەريكالىق «جىرتقىشپەن» كەزدەسەتىندىگى حابارلانعان بولاتىن.