عالىمدار بولاشاقتا جۇرە المايتىن ادامدار بولمايتىنىن دالەلدەدى
تاجىريبە ناتيجەلەرى «Nature» جانە «Nature Medicine» جۋرنالدارىندا جاريالاندى. لوزانناداعى جوعارى پوليتەحنيكا مەكتەبىنىڭ نەيروفيزيولوگى گرەگۋار كۋرتين جانە ونىڭ سانكت- پەتەربۋرگ فيزيولوگيا ينستيتۋتىنداعى رەسەيلىك ارىپتەستەرى بىرنەشە جىل بۇرىن جۇرە الماي قالعان تىشقاندارعا تاجىريبە وتكىزىپ، ناتيجەسىندە ولاردىڭ ءجۇرۋ قابىلەتىن وتاسىز دا قايتا تىكتەگەن. عالىمدار جۇلىن وتە قاتتى جاراقاتتانعان كەزىندە دە جۇيكە تالشىعىنىڭ ءبىر بولىگى زارداپ شەكپەيتىندىگىنە نازار اۋدارعان.
كۋرتين جانە ونىڭ ارىپتەستەرى شامامەن 4-5 جىل بۇرىن جۇرۋدەن قالعان ءۇش ناۋقاستى تاڭداپ الىپ، تاجىريبە وتكىزگەن. ەندى سولاردىڭ ناتيجەسىن جاريالادى. ولار جۇلىنى جاراقاتتانعان ناۋقاستاردى وتاسىز ەمدەپ جانە ولارعا فيزيولوگيالىق جاتتىعۋلار جاساتقان. دارىگەرلەر ناۋقاستاردى ارنايى جاسالعان ەكزوقاڭقا ىشىنە كىرگىزىپ، قادام باسىپ جاتقاندىقتارىن ەلەستەتۋدى سۇراعان. سول ارقىلى ولاردىڭ ميىنداعى سيگنالداردى جازىپ الىپ وتىرعان. كۋرتين مەن ونىڭ ارىپتەستەرى جازىپ الىنعان سيگنالداردى ناۋقاستاردىڭ ميىنا ورنالاستىرعان. جانە ءبىر ۋاقىتتا ولاردىڭ اياعىن قوزعالتۋىن سۇراعان. ناتيجەسىندە 1 اپتادان سوڭ، ناۋقاستار اۆتوماتتى تۇردە اياعىن قوزعالتا الاتىن بولعان. 2-3 اپتادان سوڭ، ولار وزدىگىنەن جۇرە باستاعان. بەس ايلىق جاتتىعۋدان سوڭ، ولار ەكزوقاڭقا ىشىندە ەشكىمنىڭ كومەگىنسىز وزدەرى قادام باساتىنداي دارەجەگە جەتكەن. قازىر ءۇش ناۋقاستىڭ ەكەۋى ستيمۋلياتوردىڭ كومەگىنسىز جۇرە الادى.
Massaget.kz