سمارتفونداردىڭ ادام ولىمىنە دەيىن اپاراتىن قاۋىپتىلىگى اتالدى

  استانا. قازاقپارات - ا ق ش- تىڭ ۇلتتىق توكسيكولوگيالىق باعدارلاما ماماندارى سمارتفونداردىڭ زيانىن دالەلدەدى.

ماماندار كەمىرگىشتەرگە زەرتتەۋ جۇرگىزىپ، سمارتفونداعى 2G مەن 3G بايلانىسى ناتيجەسىندە كەمىرگىشتەردىڭ جۇرەگىندە، ميىندا، بۇيرەگىندە قاتەرلى دەرت بەلگىلەرى بايقالعانىن انىقتاعان.

زەرتتەۋ كەزىندە كەمىرگىشتەر مەن تىشقاندار ارنايى كامەراعا جاتقىزىلىپ، ەكى جىل بويى راديوتولقىن جىبەرىلىپ وتىردى. كۇن سايىن 9 ساعاتقا دەيىن راديوتولقىن اسەر ەتتى. 1 كەلى كەمىرگىش ءۇشىن 1,5-6 ۆاتتىڭ ساۋلە، ءبىر كەلى تىشقاندار ءۇشىن 2,5-10 ۆاتتى ساۋلە تولقىندارى جىبەرىلدى. زەرتتەۋگە Wi-Fi مەن 5G اسەرى قاتىستىرىلعان جوق.

ماماندار جانۋارلارعا اسەر ەتەتىن ساۋلەنىڭ ادامعا دا تۋرا سولاي اسەر ەتپەيتىنىن ايتادى. جانۋارلاردىڭ بۇكىل دەنەسىنە اسەر ەتسە، ادامنىڭ بەلگىلى ءبىر دەنە مۇشەسىنە اسەر ەتەدى. الايدا ماماندار قاتەرلى دەرت بەلگىسىنىڭ راديوتولقىندى ساۋلەدەن بولعانىن ءدوپ باسىپ ايتتى.

Stan.kz