18:08, 02 - قاراشا 2018 | GMT +5
كۋريل ماڭىنداعى جاپون ارالى اياق استىنان جوعالىپ كەتتى
استانا. قازاقپارات - جاپونيا جاعالاۋلارىنىڭ ماڭىنداعى ەسانبە حاناكيتا كودزيما ارالى زىم- زيا جوق بولدى. بۇل تۋرالى The Guاrdian باسىلىمى حابارلادى.
ارالدا حالىق تۇرمايدى، جۋرناليستەردىڭ ايتۋىنشا، ول سۋ استىنا كەتكەن بولۋى مۇمكىن.
ارال كۋريل اۋماعىندا ورنالاسقان بولاتىن.
جاپونيانىڭ جاعالاۋ كۇزەتى شاعىن ارالدى سوڭعى رەت 1987 -جىلى باقىلاعان، سول كەزدە ارال تەڭىز دەڭگەيىنەن نەبارى ءبىر جارىم مەتر كوتەرىلىپ تۇرعان.
ەسانبە جاپونيا ءوز قۇقىعىن بەكىتۋ ءۇشىن اتاۋ بەرگەن 158 ارالدىڭ ءبىرى بولاتىن. بۇل شاعىن ارالداردىڭ ەشبىرىن حالىق مەكەندەمەيدى.