ت م د ۇكىمەت باسشىلارىنىڭ كەلەسى وتىرىسى تۇرىكمەنستاندا وتەدى
«تۇرىكمەنستان تاراپىنىڭ ۇسىنىسىمەن ۇكىمەت باسشىلارى كەڭەسىنىڭ كەزەكتى وتىرىسى 2019 -جىلدىڭ مامىر ايىنىڭ سوڭىندا اشھابادتا وتەتىن بولىپ شەشىلدى. شامامەن 31 - مامىردا. دەلەگاتسيا باسشىلارى شاعىم قۇرامداعى وتىرىستا اشىق احۋالدا ت م د- نىڭ ەكونوميكالىق ءوزارا ءىس- قيمىلىنىڭ وزەكتى ماسەلەلەرى بويىنشا پىكىر الماستى» ، - دەپ اتاپ ءوتتى ت م د- نىڭ اتقارۋشى حاتشىسى سەرگەي لەبەديەۆ.
ونىڭ ايتۋىنشا، وتىرىستا دوستاستىققا مۇشە مەملەكەتتەردىڭ ءوزارا ءىس- قيمىلىن ودان ارى دامىتۋعا باعىتتالعان ۇسىنىستار، ناقتى ەسكەرتۋلەر ايتىلعان.
«وسىعان وراي بۇگىن ايتىلعان بارلىق باستامالار مەن ۇسىنىستار اتقارۋشى كوميتەت تاراپىنان تىڭعىلىقتى سارالاناتىن بولادى. مۇنداي جۇمىس دوستاستىقتىڭ جارعىلىق جانە سالالىق ورگاندارى دەڭگەيىندە ولاردى ءىس جۇزىندە جۇزەگە اسىرۋ ءۇشىن سايكەسىنشە قۇجاتتار دايىنداۋ ماقساتىندا جۇرگىزىلەدى» ، - دەدى ول.
بۇعان دەيىن حابارلاعانىمىزداي، تاۋەلسىز مەملەكەتتەر دوستاستىعى ۇكىمەت باسشىلارى كەڭەسىنىڭ شاعىن قۇرامداعى وتىرىسى ءوتىپ، وندا ت م د اياسىنداعى ەكونوميكالىق ءوزارا ءىس- قيمىلدىڭ وزەكتى ماسەلەلەرىنە قاتىستى پىكىر الماسىلعان بولاتىن.
ال كەڭەيتىلگەن قۇرامداعى وتىرىستا تاجىكستان پرەمەر- ءمينيسترى كوحير راسۋلزادا ت م د- عا مۇشە مەملەكەتتەر اراسىنداعى ساۋدا- ساتتىق كەدەرگىلەرىن جويۋ باعىتىنداعى جۇمىستارعا توقتالدى.