يليا يلين الەم چەمپيوناتىنا قاتىسا الا ما؟
«ونىڭ جاراقاتى ءبىز ءۇشىن قۇپيا ەمەس جانە يليانى كەيدە مازالاپ جۇرگەنىن دە بىلگەنبىز. سوڭعى كۇندەرى جاراقاتى قاتتى سەزىلدى، سوندىقتان يليانىڭ چەمپيوناتقا قاتىسۋدان باس تارتۋى مۇمكىن ەكەندىگى جايلى ءوتىنىشى ءبىز ءۇشىن جاڭالىق بولعان جوق.
دەگەنمەن اشعابادتا اياقتالعان تولىق مەديتسينالىق تەكسەرۋ قورىتىندىلارىن كۇتۋ تۋرالى شەشىم قابىلداندى. م ر ت تالداۋى يليادا پروترۋزيادان باسقا، ەمدەلۋى قاجەت مويىن جارىعى بار ەكەنى انىقتالدى. سوندىقتان الداعى كۇندەرى ول ءۇشىن قاجەتتى ەمدەۋ كۋرسى انىقتالىپ، بارىنشا قولداۋ كورسەتىلەدى.
اتلەتتىڭ دايىندىعى مەن ءوزىن سەزىنۋى وتە جاقسى، ءبىراق دياگنوز سەبەبىمەن ول الەم چەمپيوناتىنا قاتىسا المايدى.
قازىرگى كەزدە ءبىزدىڭ مىندەتىمىز - ونىڭ قالپىنا كەلۋى ءۇشىن قاجەتتى جاعدايدىڭ ءبارىن جاساۋ. مامانداردىڭ ايتۋىنشا، بۇعان ءبىر ايعا جۋىق ۋاقىت كەتەدى. ودان كەيىن يليا جاتتىعۋعا قايتا ورالا الادى»، - دەدى نۇرالينوۆ.
