باسكەتبول: قازاقستان قۇراماسى ازيا چەمپيوناتىنىڭ جارتىلاي فينالىنا شىقتى

استانا. قازاقپارات - باسكەتبولدان قازاقستان قىزدار قۇراماسى 18 جاسقا دەيىنگى سپورتشىلار اراسىنداعى ازيا چەمپيوناتىنىڭ جارتىلاي فينالىنا جولداما الدى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتى باسپا ءسوز قىزمەتىنىڭ حابارلاۋىنشا، شيرەك فينالدا يران قۇراماسىمەن كەزدەسكەن قازاقستاندىقتار 71:56 ەسەبىمەن جەڭىسكە جەتتى.

يران قۇراماسى ءوز توبىندا ەكىنشى ورىن يەلەنىپ، كەزدەسۋدىڭ فاۆوريتى سانالعان بولاتىن. الايدا، توپتىق كەزەڭدەگى ساتسىزدىكتەن سوڭ ەس جيعان قازاقستان كومانداسى قارسىلاستارىنان ايلاسىن اسىرىپ كەتتى.

بۇگىن قازاقستان قۇراماسى فينال جولداماسىن ساراپقا سالۋ ءۇشىن سيريامەن كەزدەسەدى.

ايتا كەتەيىك، توپتىق كەزدەسۋدە قازاقستان سيرياعا 40:56 ەسەبىمەن جول بەرگەن ەدى. ەندى ءبىزدىڭ كوماندانىڭ ەسە قايتاراتىن تاماشا مۇمكىندىگى تۋدى.

جارتىلاي فينالداعى كەلەسى جۇپ - گونكونگ پەن ءۇندىستان قۇرامالارى.

اۆتور: كۇنسۇلتان وتارباي