14:16, 02 - قاراشا 2018 | GMT +5
قىتايدا ءمايىتحاناعا بارعان ارۋ باۋىرىنىڭ كوزىن تاپپاي قالعان
استانا. قازاقپارات - قىتايدىڭ نينسيان قالاسىندا ادام اعزاسىن ساۋدالاۋمەن اينالىساتىن قىلمىستىق توپ قولعا ءتۇستى دەپ جازادى lenta.ru سايتىنا سىلتەمە جاساعان NUR. KZ.
قىلمىستىق توپ حۋنان پروۆينتسياسىنداعى نينسيان قالالىق اۋرۋحانادا قايتىس بولعان ەر ادامنىڭ كوزىن ۇرلادى دەپ كۇدىكتەلۋدە.
مارقۇمنىڭ دەنەسىن ءمايىتحانادا كورگەن اپكەسى ونىڭ كوزدەرى جوق ەكەنىن بايقاعان.
ءمايىتتىڭ ءبىر كوز شاراسىندا ماقتا تىعىلعان بولسا، ەكىنشىسىنەن قىلمىسكەرلەر جانتۇرشىگەرلىك ارەكەتىن جۇزەگە اسىرعان حيرۋرگيالىق قۇرال انىقتالعان.
كەلەسى كۇنى پوليتسيا ءتورت كۇدىكتىنى تۇتقىنداعان. ولاردىڭ اراسىندا ءمايىتحانا قىزمەتكەرلەرى دە بار ەكەن. كۇدىكتىلەردىڭ ۇشەۋى كوزدەردى ۇرلاعاننان كەيىن نينسياننان 240 شاقىرىم قاشىقتىقتا ورنالاسقان شاويان قالاسىنا كەتىپ قالعان.
تەرگەۋشىلەر ولار ادام اعزالارىن ساۋدالاۋ ماقساتىندا كەلىسىم جاساسقان دەپ بولجاپ وتىر.