الەمدە جاڭا قاتەرلى «يكس ينفەكسيا» پايدا بولدى

استانا. قازاقپارات - ق ر باس سانيتارلىق دارىگەرى جانداربەك بەكشين الەمدە جاڭادان پايدا بولعان «يكس ينفەكسياسىنىڭ» قاتەرى تۋرالى ايتتى، دەپ حابارلايدى قازاقپارات.

«دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، جىل سايىن الەمدە ميللياردتان استام ينفەكسيالىق اۋرۋدىڭ وقيعالارى تىركەلەدى. تەك سوڭعى 20 جىلدا 30 دان استام جاڭا ءارى قايتىمدى ينفەكسيا پايدا بولدى. وزدەرىڭىز بىلەسىزدەر، وسىعان دەيىن ەبولا، كورونوۆيرۋس ينفەكسياسى جانە باسقا دا اۋرۋلار بولعانىن بىلەسىزدەر. اعىمداعى جىلى مۇلدەم جاڭا ينفەكتسيا پايدا بولعانىن اتاپ وتكەن ءجون. وعان دۇنيەجۇزىلىك دەنساۋلىق ساقتاۋ ۇيىمى «يكس ينفەكسياسى» دەگەن اتاۋ بەرگەن ەدى. بۇل جاڭا قاتەر بيىل عانا شىقتى»، - دەدى بەكشين ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، بۇل ينفەكسيا بۇگىندە جاھاندىق ءارى قاۋىپتى سيپاتقا يە بولۋدا. «يكس ينفەكسياسىن» ماماندار تولىقتاي زەرتتەپ بولعان جوق.

بۇدان بۇرىن حابارلانعانداي، ق ر باس سانيتارلىق دارىگەرى جانداربەك بەكشين ەڭبەكشى قازاق اۋدانىندا 14 جاستاعى بالانىڭ ولىمىنە قاتىستى سوت- مەديتسينالىق ساراپتامادان كەيىن ءتيىستى قورىتىندى شىعارىلاتىنىن ايتتى.