ميلليون تەڭگەگە تۇرعىن ءۇي سەرتيفيكاتىن قالاي الۋعا بولادى؟
استانا قالاسىنىڭ قۇرىلىس جانە تۇرعىن ءۇي ساياساتى باسقارماسىنىڭ باسشىسى رۋسلان احمەتوۆ تۇرعىن ءۇي سەرتيفيكاتتارىنىڭ تەك بيۋدجەت سالاسىنداعى قىزمەتكەرلەرگە بەرىلەتىنىن ايتىپ ءوتتى: ءبىلىم بەرۋ، دەنساۋلىق ساقتاۋ جانە پوليتسەيلەر قىزمەتى.
«كورسەتىلگەن قىزمەتكەرلەردىڭ تابىس دەڭگەيى اسا جوعارى بولماۋىنا بايلانىستى ولار تۇرعىن ءۇي الۋ ءۇشىن قاجەتتى اقشا جيناي المايدى. تالداۋ جۇرگىزىپ جاتىرمىز. دەنساۋلىق ساقتاۋ مەن ءبىلىم بەرەۋ سالالارىندا، ىشكى ىستەر دەپارتامەنتىندە 30 مىڭنان اسا قىزمەتكەر بار. ولاردىڭ شامامەن 16000-نا پاتەر قاجەت. سونداي- اق وسى سالالاردا بوس ورىندار كوپ: دەنساۋلىق ساقتاۋ سالاسىندا - 182، ءبىلىم بەرۋ سالاسىندا - 344، ال پوليتسيا قىزمەتىندە 700-دەن اسا بوس ورىن بار»، - دەدى احمەتوۆ قوعامدىق كەڭەستىڭ وتىرىسى بارىسىندا.
ونىڭ ايتۋىنشا، وسى سالالارداعى قىزمەتكەرلەردىڭ ورتاشا جالاقىسى - 87 مىڭ تەڭگە. وتباسىندا ەرلى- زايىپتىنىڭ ەكەۋى دە جۇمىس ىستەسە، ولاردىڭ اي سايىڭعى تابىسى - 170 مىڭ تەڭگە. ءبىر ايدا جۇمسالاتىن بارلىق شىعىندى الىپ تاستايتىن بولساق، اي سايىن 30 مىڭ تەڭگەدەن جيناۋعا بولادى. ت ءۇ ق ج ب- عا اقشا سالعان جاعدايدا ءبىر جىلدا شامامەن 360 مىڭ تەڭگە جيناۋعا بولادى. ول پاتەردىڭ شارشى مەترى 280-300 مىڭ تەڭگە بولعان جاعدايدا پاتەردىڭ باعاسى 12 ميلليون تەڭگە بولاتىنىن، ال باستاپقى جارنانىڭ 20 پايىز (2 ميلليون 400 مىڭ تەڭگە) بولاتىنىن ايتتى.
«ءبىز ت ءۇ ق ج ب- مەن ەسەپتەپ كوردىك. العاشقى جارنا 2 ميلليون 400 مىڭ تەڭگە بولعان جاعدايدا «7-20-25» بويىنشا قارىزعا اقشا بەرەتىن بولساق، العاشقى تولەم 7 پايىز بولادى. سوندا بيۋدجەت سالاسىنداعى قىزمەتكەرلەر 15 جىل بويى اي سايىن 83 مىڭ تەڭگە تولەيدى. كەيىنىرەك بۇل سوما 3,5 پايىزعا قىسقارىپ، اي سايىنعى تولەم 44 مىڭ تەڭگەگە دەيىن قىسقارادى»، - دەدى احمەتوۆ.
ەسكە سالا كەتەيىك، وسىعان دەيىن مەملەكەتتىك قىزمەتكەرلەرگە «7-20-25» بويىنشا باسپانا الۋ ءۇشىن ميلليون تەڭگەدەن بەرىلەتىنى جايلى حابارلانعان بولاتىن. «باسپانا» يپوتەكالىق ۇيىمداعىلاردىڭ مالىمەتىنشە، قازاقستاندىقتارعا جىلدىڭ سوڭىنا دەيىن 10 مىڭداي سەرتيفيكات تاپسىرىلادى.