ومىردەن وزعان مايكل دجەكسون تانىمال تۇلعالار رەيتينگىندە كوش باسىندا تۇر

 استانا. قازاقپارات - Forbes جۋرنالى كوزى تىرىسىندە قالدىرعان مادەني مۇراسى ءوزى دۇنيە سالعاننان كەيىن دە تابىس اكەلەتىن تانىمال تۇلعالاردىڭ بيىلعى رەيتينگىن جاريالادى،

   دەپ حابارلايدى قازاقپارات bbc.com-عا سىلتەمە جاساپ.

بيىلعى تىزىمدە مايكل دجەكسون ەكىنشى ورىنداعى ەلۆيس پرەسليدەن ون ەسە كوپ «تابىس العان».

جۋرنالدىڭ مالىمەتتەرىنە سۇيەنسەك، 2009 -جىلى ومىردەن وزعان ءانشىنىڭ ارتىندا قالدىرعان مۇرالارى ارقىلى جاسالعان وپەراتسيالار 2017 -جىلدىڭ قازانىنان 2018 -جىلدىڭ قازان ايىنا دەيىن 400 ميلليون دوللار اكەلگەن. ەلۆيس پرەسليدىڭ بيىلعى «تابىسى» - 40 ميلليون.

ءۇشىنشى ورىن گولف شەبەرى ارنولد پالمەرگە تيەسىلى بولدى.

ۇزدىك وندىققا كىرگەن تانىمال تۇلعالار مىنالار:

1. مايكل دجەكسون، ءانشى - 400 ميلليون دوللار

2. ەلۆيس پرەسلي، ءانشى - 40

3. ارنولد پالمەر، گولفشى - 35

4. چارلز شۋلتس، سۋرەتشى - 34

5. بوب مارلي، مۋزىكانت - 23

6. دوكتور سيۋز، جازۋشى ءارى مۋلتيپليكاتور - 16

7. حيۋ حەفنەر، Playboy جۋرنالىنىڭ نەگىزىن قالاۋشى - 15

8. مەريلين مونرو، اكتريسا - 14

9. پرينس، مۋزىكانت - 13

10. دجون لەننون، مۋزىكانت - 12.