عالامدىق جىلىنۋدىڭ ا ق ش- قا كەسىرى ءتيدى

استانا. قازاقپارات - عالامدىق جىلىنۋ ا ق ش- تى تەڭىز شاياندارىنسىز قالدىرايىن دەپ وتىر. مەن شتاتىنىڭ ماقتانىشى بولىپ كەلگەن بۋىناياقتىلار اۋا رايىنىڭ وزگەرۋىنەن قونىستارىن سولتۇستىككە قاراي اۋىستىرا باستاعان.

بۇل وزگەرىستى جەرگىلىكتى بالىقشىلار دا بايقاعان. مىسالى، 50 جىلدان بەرى وسى كاسىپپەن اينالىسىپ كەلگەن پەرلي فرەيزەر سوڭعى جىلدارى تەڭىزگە سالعان اۋعا تەڭىز شاياندارىنىڭ باياعىداي كوپتەپ ءتۇسۋى ازايعانىن ايتادى. ال بۇل شتاتتا سۋ شايانى 2016-شى جىلى بالىقشىلاردىڭ كىرىسىنىڭ 82 پايىزىن قۇراعان. سوندىقتان ەندى كاسىپپەن اينالىسۋشىلاردىڭ كوبى شىعىنعا ۇشىراۋدا.

پەرلي فرەيزەر، بالىقشى:

 - كليماتتىڭ وزگەرۋ اسەرىن وسى تەڭىز شاياندارىنا قاراپ تا بىلۋگە بولادى. سوڭعى ۋاقىتتا ولار ءوز مەكەندەرىن اۋىستىرىپ، كاناداعا قاراي كوشكەن. بۇل جەرگىلىكتى ەكونوميكاعا كەرى اسەرىن تيگىزەتىنى انىق.

 ال رەسمي دەرەككە سۇيەنسەك قازىر تەڭىز شايانى عانا ەمەس اتلانت مۇحيتىن مەكەندەۋشى جانۋارلاردىڭ 60-70 پايىزى سولتۇستىككە اۋعان. ولاردىڭ باسىم بولىگى قونىسىن سوڭعى 10-15 جىلدا اۋىستىرعان. ا ق ش بولسا، وتكەن جىلى كليمات بويىنشا پاريج كەلىسىم شارتىنان شىققان بولاتىن. پرەزيدەنت دونالد ترامپ عالامدىق جىلىنۋعا سەنبەيتىنىن تالاي مارتە مالىمدەگەن ەدى.

www.24.kz