قازاق راديولارى ديكتورلارعا كاستينگ جاريالادى
«QAZAQ RADIOLARY» سەرىكتەستىگىنە قاراستى: «Qazaq radiosy» ،«Shalgar» ،«Astana» ،«Classic» راديولارىنا ديكتورلىققا كاستينگ جاريالاندى.
استانا قالاسىنىڭ قاتىسۋشىلارى ءۇشىن كاستينگ 23 -قاراشا كۇنى ساعات 15:00-دە قونايەۆ كوشەسى 4-عيماراتتاعى قازمەديا ورتالىعىندا وتەدى. ۇمىتكەردىڭ وزىمەن بىرگە ءتولقۇجاتى بولۋى ماڭىزدى»، - دەلىنگەن حابارلامادا.
ال رەسپۋبليكانىڭ باسقا ايماقتارىنان قاتىسۋعا نيەت بىلدىرگەندەر كەز كەلگەن اقىننىڭ ءبىر ولەڭىن (3 مين) جانە اقپاراتتىق ءماتىندى (1 مين) وقىپ mp3 فورماتتا، وڭدەۋسىز kazdictor@gmail.com پوشتاسىنا جىبەرۋى كەرەك. اۋديوماتىندەر جاقشادا كورسەتىلگەن ۋاقىتتان اسپاۋى ءتيىس.
«كاستينگكە تۇسكەن ماتەريالدار 1-20 -قاراشا ارالىعىندا ىرىكتەلەدى جانە 23 -قاراشادا قورىتىندىلانادى. سونداي-اق، قاتىسۋشىلار اۋديومەن بىرگە ءتولقۇجاتىنىڭ سۋرەتىن دە جىبەرۋى كەرەك. كاستينگكە 18 بەن 30 جاس ارالىعىنداعى ازاماتتار قاتىسا الادى» - دەپ حابارلادى سەرىكتەستىك.
ىرىكتەۋدە قاتىسۋشىنىڭ كوركەم ءماتىندى وقۋ شەبەرلىگىنە، داۋىس مانەرى مەن ءتىل تازالىعىنا باسا نازار اۋدارىلادى.