لاتىن امەريكاسىنىڭ ءبىرقاتار ەلى قازاقستاندىقتار ءۇشىن ۆيزاسىز رەجيم ەنگىزبەك
«وزدەرىڭىز دە بىلەتىندەي، 2016 -جىلدان بەرى قازاقستاننىڭ برازيليامەن ۆيزاسىز رەجيمى جۇمىس ىستەپ تۇر. ءسال ەرتەرەك ارگەنتينامەن ۆيزاسىز رەجيم جاسالعان. سونىمەن قاتار قازاقستان مەن كولۋمبيا، ەكۆادور اراسىندا ۆيزاسىز رەجىم بار. ءبىزدىڭ ديپلوماتتارىمىز بەن جەكەلەگەن مەملەكەتتىك قىزمەتشىلەرىمىز چيليگە ۆيزاسىز بارا الادى. 2017 -جىلى چيلي ۇكىمەتى قازاقستاندىق ازاماتتار ءۇشىن تۋريستىك ۆيزاعا كونسۋلدىق الىم الۋدى توقتاتتى. قازىرگى ۋاقىتتا ازاماتتارىمىزدىڭ پەرۋ، ۋرۋگۆاي جانە ۆەنەسۋەلاعا ۆيزاسىز ساپارلاۋى تۋرالى كەلىسىمگە قول جەتكىزۋ جونىندەگى ماسەلەلەرمەن جۇمىس ىستەپ جاتىرمىز» ، - دەدى ەلشى.
ايتا كەتەيىك، قازىرگى ۋاقىتتا قازاقستاندىقتار الەمنىڭ 30 ەلىنە ۆيزاسىز ساپار جاساي الادى. مۇنان بولەك، بۇگىندە يزرايل، تايلاند، فيدجي جانە ماكاومەن ۆيزانى الىپ تاستاۋ ماسەلەسى قاراستىرىلىپ جاتىر. ال كۋبامەن اراداعى ۆيزاسىز رەجيم ءالى كۇشىنە ەنگەن جوق.
