بۇكىل الەمدىك بانك قازاقستاننىڭ ادام كاپيتالىن ەسەپتەدى

الماتى. قازاقپارات - الماتىدا بۇكىل الەمدىك بانك وكىلدەرى قازاقستاننىڭ ادام كاپيتالىن ەسەپتەدى، دەپ حابارلايدى قازاقپارات ءتىلشىسى.

بانك وكىلدەرىنىڭ تالداۋىنا سايكەس، قازاقستاننىڭ كورسەتكىشى ورتالىق ازياداعى كوپتەگەن ەلدەردىڭ كورسەتكىشىنەن جوعارى بولعان.

«2012-2017-جىلدار ارالىعىندا قازاقستانداعى ادام كاپيتالى يندەكسى %0,63 دان %0,75 عا ارتتى. بۇل قازاقستاننىڭ ءبىلىم بەرۋ مەن دەنساۋلىق ساقتاۋ سالاسىنا سالىنعان ينۆەستيتسيانىڭ ارتۋىنا بايلانىستى بولعان. ءبىر جاعىنان %0,75 دەگەنىمىز قازاقستان بولاشاقتا تابىسىنىڭ %25  نان ايرىلادى دەگەندى بىلدىرەدى»، - دەدى بۇكىل الەمدىك بانكتىڭ ورتالىق ازياداعى ادام كاپيتالى بويىنشا باعدارلاماسىنىڭ جەتەكشىسى سۋساننا ايراپەتيان.

%0,75 دەگەنىمىز قازىر تۋعان بالانىڭ كامەلەتتىك جاسقا جەتكەن سوڭ ەڭبەك ونىمدىلىگى %75  بولادى. ال ەگەر بالا تولىق ءبىلىم الىپ، دەنساۋلىعى وتە جاقسى بولسا، ونىڭ ەڭبەك ونىمدىلىگى  %100 بولار ەدى.

«قازاقستاندا 5 جاسقا دەيىنگى بالانىڭ ءتىرى قالۋ مۇمكىندىگى %99 شاماسىندا. باسقاشا ايتقاندا، ب ۇ ۇ ستاتيستيكاسىنا سۇيەنسەك، 100 بالانىڭ 99 ى ءتىرى قالادى. قازاقستاندا 4 جاستاعى بالا وقۋدى باستاسا، 18 جاسىنا تامان ورتا ءبىلىم الىپ شىعادى. قازاقستاندىق وقۋشىلاردىڭ ءبىلىمى ارنايى شكالا بويىنشا 537 بال بولىپ وتىر. الەمدە ەڭ ۇزدىك ءبىلىم بەرۋ جۇيەسىنىڭ بالى 625 بولسا، ەڭ تومەنى 300 بال»، - دەدى سۋساننا ايراپەتيان.

سونىمەن قاتار، الەمدە قايسى بولماسىن ەلدىڭ ادامي كاپيتالىنىڭ مولدىعى ەرەسەكتەرىنىڭ ءومىر ءسۇرۋ ۇزاقتىعىمەن باعالانادى.

قازاقستان بويىنشا 15 جاستاعى بالالاردىڭ %80 ى عانا 60 جاسقا جەتەدى.

ال 100 بالانىڭ 92 ءسىنىڭ دامۋىندا ءمىن جوق بولسا، 8 بالانىڭ مۇمكىندىگى شەكتەۋلى بولىپ قالۋى ىقتيمال.

«بۇگىندە قازاقستان ءبىلىم بەرۋ سالاسىنا سالاتىن قارجىسى ج ءى ءو %3,6 ىن قۇرايدى. بۇل اسا جوعارى كورسەتكىش ەمەس. ە ى د ۇ ەلدەرىندە بۇل كورسەتكىش 3-4 ەسە جوعارى. قازاقستاننىڭ ورتالىعىندا بەرىلەتىن ءبىلىمنىڭ شالعايدا بەرىلەتىن بىلىمىنەن ايىرماشىلىعى كوپ. قازاقستان ءۇشىن بۇل اسا جوعارى مىندەت. وسى كورسەتكىشتى تەڭەستىرۋ. ويتكەنى مەكتەپتەرىنىڭ 4/3 ءى وڭىرلەردە ورنالاسقان»، - دەدى بانك وكىلى.

ايتا كەتۋ كەرەك، مەملەكەت باسشىسى ءوزىنىڭ جولداۋىندا 5 جىل ىشىندە ءبىلىم، عىلىم، دەنساۋلىق ساقتاۋ سالالارىنا بارلىق كوزدەردەن جۇمسالاتىن قاراجاتتى ىشكى جالپى ءونىمنىڭ 10 پايىزىنا دەيىن جەتكىزۋ قاجەت دەگەن مىندەت قويعان بولاتىن.